राष्ट्रवादी काँग्रेसची लढाई सुरू, अजित पवारांसह ९ आमदारांना अपात्र करण्याच्या मागणीचे सभापतींना पत्र

पुणे, ३ जुलै २०२३ : रविवारी महाराष्ट्राच्या राजकारणात असे वादळ आले की सगळेच थक्क झाले. अजित पवार यांनी राजभवन गाठून राजभवनात जाऊन उपमुख्यमंत्रीपदाची शपथ घेतली आणि शिंदे सरकारमध्ये सामील झाले. एवढेच नाही तर त्यांच्यासोबत आणखी ८ आमदारांनीही मंत्रीपदाची शपथ घेतली. या साऱ्या राजकीय नाट्यात आता शरद पवार आणि अजित पवार यांच्यात राष्ट्रवादी काँग्रेसवर नियंत्रण ठेवण्याची लढाई सुरू झालीय.

अजित पवार यांनी राष्ट्रवादीवर दावा केला आहे. मात्र, शरद पवार गटही शांत बसणारा नाही. राष्ट्रवादीने मोठी कारवाई करत अजित पवारांसह ९ आमदारांवर अपात्रतेची याचिका दाखल केली आहे. ही याचिका विधानसभा अध्यक्ष राहुल नार्वेकर यांच्याकडे पाठवण्यात आली आहे. आम्ही विधानसभा अध्यक्ष राहुल नार्वेकर यांच्याकडे ९ आमदारांना अपात्र ठरवण्यासाठी याचिका ऑनलाईन दाखल केली आहे. हार्ड कॉपी देखील लवकरात लवकर पाठवली जाईल. ते म्हणाले की ९ आमदारांनी पक्ष सोडण्यापूर्वी कोणालाही सांगितले नाही. यासंदर्भात आम्ही निवडणूक आयोगाला पत्रही लिहिले आहे. मात्र, पक्ष सोडून गेलेले बहुतांश आमदार परत येतील आणि राष्ट्रवादीही त्यांचा स्वीकार करेल, अशी आशाही त्यांनी व्यक्त केली आहे.

रविवारी दुपारी अजित पवार यांनी राष्ट्रवादी काँग्रेसविरोधात बंड करून सरकारमध्ये प्रवेश केला आणि वर्षभरापूर्वीच्या शिंदे विरुद्ध उद्धव ठाकरेंच्या घटनांची पुनरावृत्ती केली. खरे तर वर्षभरापूर्वी एकनाथ शिंदे यांनीही शिवसेनेविरुद्ध बंड करून भाजपसोबत सरकार स्थापन केले होते. यानंतर त्यांनी शिवसेनेच्या नावावर आणि चिन्हावरही दावा केला. तसेच अजित पवारही आता एकनाथ शिंदे यांच्या पावलावर पाऊल ठेवताना दिसत आहेत.

न्यूज अनकट प्रतिनिधी : सूरज गायकवाड