सासवड येथे राष्ट्रवादी शरदचंद्र पवार पक्षाचा कार्यकर्ता मेळावा संपन्न

सासवड, पुणे २० फेब्रुवारी २०२४ : पुरंदर तालुक्यातील सासवड येथे राष्ट्रवादी शरदचंद्र पवार पक्षाचा कार्यकर्ता मेळावा संपन्न झाला. राष्ट्रवादीच्या फुटी नंतर प्रथमच हा मेळावा घेण्यात आला होता. या मेळाव्याला जुन्या ज्येष्ठ कार्यकर्त्यांनी मोठी गर्दी केल्याच पाहायला मिळालं. सासवड येथील आचार्य अत्रे कार्यालय प्रथमच गांधी टोपी घातलेल्या कार्यकर्त्यांनी भरलेलं पाहायला मिळालंय.

तालुक्यातील तरुण कार्यकर्ते आता अजित पवारांच्या राष्ट्रवादीत गेले आहेत. मात्र आज झालेल्या या मेळाव्यात ज्येष्ठ कार्यकर्त्यांनी तरुणांची कमी भरून काढलीय. जुना जाणता राष्ट्रवादीचा कार्यकर्ता आजही शरद पवार ,सुप्रिया सुळे यांच्या पाठीशी असल्याचं पाहायला मिळतंय. तर मध्यमवयीन व तरुण कार्यकर्तेही या मेळाव्याला हजर होते. मात्र ज्येष्ठांची संख्या लक्षणीय होती.

न्युज अनकट प्रतिनीधी : राहुल शिंदे