OnePlus 10T 5G लाँच, १९ मिनिटांत होणार पूर्ण चार्ज

पुणे, ४ ऑगस्ट २०२२: 10T भारतासह जागतिक बाजारपेठेत लॉन्च करण्यात आला आहे. OnePlus 10T हा ब्रँडचा सर्वात शक्तिशाली हँडसेट आहे, ज्यामध्ये तुम्हाला Snapdragon 8+ Gen 1 प्रोसेसर मिळतो. डिव्हाइसला पॉवर देण्यासाठी, ४८००mAh बॅटरी प्रदान करण्यात आली आहे, जी १५०W SUPERVOOC चार्जिंगला सपोर्ट करते.

फोन ट्रिपल रियर कॅमेरा सेटअप सह येतो. फोन नवीन असला तरी त्याची डिझाईन OnePlus 10 Pro सारखीच आहे. हँडसेट १६GB पर्यंत रॅम आणि २५६GB पर्यंत स्टोरेज ऑफर करतो. चला जाणून घेऊया त्याची किंमत आणि फीचर्स.

OnePlus 10T ची किंमत

OnePlus चा हा फोन ४९,९९९ रुपयांच्या सुरुवातीच्या किंमतीत लॉन्च करण्यात आला आहे. ही किंमत फोनच्या ८GB RAM + १२८GB स्टोरेज वेरिएंटसाठी आहे. त्याच वेळी, त्याचा १२GB रॅम + २५६GB स्टोरेज व्हेरिएंट ५४,९९९ रुपयांमध्ये येतो. टॉप व्हेरिएंटची किंमत ५५,९९९ रुपये आहे. या किंमतीत तुम्हाला १६GB RAM + २५६GB स्टोरेज मिळेल.

हँडसेट जेड ग्रीन आणि मूनस्टोन ब्लॅक रंगात येतो. तुम्ही Amazon आणि OnePlus.in वरून स्मार्टफोन खरेदी करू शकता. तुम्हाला ICICI बँक आणि SBI कार्डवर ५००० रुपयांची झटपट सूट देखील मिळेल.

स्पेसिफिकेशन्स काय आहेत?

OnePlus 10T मध्ये ६.७-इंच फुल HD+ रिझोल्यूशन LTPO2 10-बिट AMOLED डिस्प्ले आहे. स्क्रीन १२०Hz रिफ्रेश रेटला सपोर्ट करते. यात ९५०Nits चा पीक ब्राइटनेस आणि HDR 10+ साठी सपोर्ट आहे. स्क्रीनच्या सुरक्षेसाठी गोरिल्ला ग्लास ५ प्रोटेक्शन देण्यात आले आहे. स्मार्टफोन Snapdragon 8+ Gen 1 प्रोसेसरसह येतो.

यात १६GB पर्यंत रॅम आणि २५६GB पर्यंत स्टोरेज मिळेल. हँडसेटमध्ये इन-डिस्प्ले फिंगरप्रिंट सेन्सर आणि फेस अनलॉक उपलब्ध आहेत. डिव्हाइसमध्ये ४८००mAh बॅटरी आहे, जी १५०W SUPERVOOC चार्जिंगला सपोर्ट करते. कंपनीच्या म्हणण्यानुसार, फोन १९ मिनिटांत पूर्ण चार्ज होईल.

स्मार्टफोन ट्रिपल रियर कॅमेरा सेटअपसह येतो. त्याची मुख्य लेन्स ५०MP आहे. याशिवाय, तुम्हाला ८MP अल्ट्रा वाइड अँगल लेन्स आणि २MP मॅक्रो कॅमेरा मिळेल. फ्रंटमध्ये कंपनीने ३२MP सेल्फी कॅमेरा दिला आहे. Android 12 वर आधारित ऑक्सिजन OS १२.१ वर हँडसेट काम करतो.

न्यूज अनकट प्रतिनिधी: ईश्वर वाघमारे