आंतरराष्ट्रीय न्यायालयाच्या दबावापुढे झुकला पाकिस्तान, कुलभूषण जाधव यांना मोठा दिलासा

नवी दिल्ली, 18 नोव्हेंबर 2021: पाकिस्तानच्या तुरुंगात बंद असलेले भारतीय नागरिक कुलभूषण जाधव यांना मोठा दिलासा मिळाला आहे.  आंतरराष्ट्रीय न्यायालयाच्या निर्णयानुसार कुलभूषण जाधव यांना अपील करण्याचा अधिकार देणारे विधेयक पाकिस्तानने संसदेच्या संयुक्त अधिवेशनात मंजूर केले आहे.  तत्पूर्वी, न्यायालयाने पाकिस्तानला विलंब न करता भारताला कॉन्सुलर अॅक्सेस देण्यास सांगितले होते.

भारतीय नौदलाचे निवृत्त अधिकारी कुलभूषण जाधव यांना पाकिस्तानच्या लष्करी न्यायालयाने एप्रिल 2017 मध्ये हेरगिरी आणि दहशतवादाच्या आरोपाखाली फाशीची शिक्षा सुनावली होती.  यानंतर भारताने आंतरराष्ट्रीय न्यायालयात धाव घेतली होती आणि फाशीची शिक्षा आणि पाकिस्तानने कॉन्सुलर प्रवेश नाकारल्याला आव्हान दिले होते.

 हेगमधील आंतरराष्ट्रीय न्यायालयाने जुलै 2019 मध्ये दिलेल्या निर्णयात म्हटले आहे की, पाकिस्तानने कुलभूषण जाधव यांच्या शिक्षेचा निकाल आणि शिक्षेचे प्रभावीपणे पुनरावलोकन आणि पुनर्विचार करावा.  आंतरराष्ट्रीय न्यायालयाने पाकिस्तानला विलंब न करता भारताला कॉन्सुलर ऍक्सेस देण्यास सांगितले होते.  ICJ ने आपल्या निर्णयात म्हटले होते की, पाकिस्तानने कुलभूषण जाधव यांना लष्करी न्यायालयाच्या निर्णयाविरोधात अपील करण्यासाठी योग्य मंच उपलब्ध करून द्यावा.

न्यूज अनकट प्रतिनिधी: ईश्वर वाघमारे