फलटण तालुका शालेय क्रीडा स्पर्धेची नियोजन आढावा बैठक मुधोजी हायस्कूल येथे संपन्न

फलटण,सातारा ४ ऑगस्ट २०२३ : सातारा जिल्हा क्रीडा अधिकारी यांच्या मार्फत, शालेय क्रीडा स्पर्धांच्या नियोजनासाठी गुरुवार दि.३ ऑगस्ट रोजी बैठक आयोजित करण्यात आली होती. या बैठकीत शालेय क्रीडा स्पर्धांच्या बाबतीत सखोल चर्चा होऊन, महत्वपूर्ण निर्णय घेण्यात आले.

यंदाच्या शालेय क्रीडा हंगामातील विविध खेळांच्या स्पर्धांचे वेळापत्रक व ठिकाण निश्चित करण्यासाठी, जिल्हा क्रीडा अधिकारी कार्यालयातर्फे ३ ऑगस्ट २०२३ रोजी दुपारी एक वाजता, फलटण एज्युकेशन सोसायटीच्या मुधोजी हायस्कूल व ज्युनिअर कॉलेजच्या चित्रकला हॉल येथे क्रीडा स्पर्धा नियोजन बैठक संपन्न झाली.

या बैठकीत शालेय क्रीडा स्पर्धांचे नियोजन व ऑनलाइन प्रवेशिका बाबत सखोल चर्चा करण्यात आली. तसेच यावेळी शालेय क्रीडा स्पर्धेदरम्यान येणाऱ्या समस्या, मैदानासाठी उपलब्ध असलेल्या जागा व स्पर्धेदम्यान येणाऱ्या अडी-अडचणी याविषयी सविस्तर चर्चा करण्यात आली. तसेच स्पर्धेदरम्यान क्रीडा शिक्षकांना येणाऱ्या समस्या या ठिकाणी जाणून घेण्यात आल्या .

बैठकीत स्पर्धेच्या ठिकाणांची घोषणा करण्यात आली यामध्ये मैदानी स्पर्धा, क्रिकेट स्पर्धा व बुद्धिबळ स्पर्धा या मुधोजी महाविद्यालय फलटण येथे, कबड्डी स्पर्धा श्रीमती प्रेमालाताई चव्हाण हायस्कूल व ज्युनीअर कॉलेज मलठण येथे, खो-खो स्पर्धा श्रीमंत शिवाजीराजे क्रीडा संकुल फलटण येथे, व्हॉलीबॉल स्पर्धा श्रीमंत सगुनामाता माध्यमिक विद्यालय दालवडी येथे, फुटबॉल व कराटे स्पर्धा श्रीमंत शिवाजीराजे इंग्लिश मीडियम स्कूल (सी बी एस ई ) जाधववाडी फलटण येथे, कुस्ती स्पर्धा शौर्य सैनिक स्कूल गोळेवाडी फलटण येथे तर योगा स्पर्धा या फलटण तालुका क्रीडा संकुल जाधववाडी फलटण येथे होतील.

यावेळी प्रमुख मार्गदर्शक मा.नितीन तारळकर सातारा जिल्हा क्रीडा अधिकारी, मा.पाटील साहेब
फलटण तालुका प्रभारी क्रीडा अधिकारी, अध्यक्ष म्हणून फलटण एज्युकेशन सोसायटीच्या मुधोजी हायस्कूलचे प्राचार्य मा.बाबासाहेब गंगवणे, उपप्राचार्य मा.ए वाय ननावरे, पर्यवेक्षक मा.व्ही जे शिंदे, विनोद कुडवे सातारा क्रीडा कार्यालय अधिकारी, फलटण तालुका क्रीडा संघटनेचे अध्यक्ष काशिनाथ सोनवलकर, उपाध्यक्ष उत्तमराव घोरपडे, सचिव अजय कदम, सहसचिव पंकज पवार, जिल्हा समन्वयक समितीचे सदस्य तुषार मोहिते, खजिनदार संदीप ढेंबरे, संघटक सचिन धुमाळ, अमोल नाळे, मुकुंद गायकवाड, जनार्दन पवार, तायप्पा शेंडगे आदी प्रमुख उपस्थित होते.

तसेच या बैठकीस फलटण तालुक्यातील सर्व क्रीडा शिक्षक, क्रीडा विभाग प्रमुख, क्रीडा स्पर्धांचे काम पाहणारे सहशिक्षक हे उपस्थित होते. या कार्यक्रम बैठकीचे सुत्रसंचलन अजय कदम यांनी केले तर आभार तुषार मोहिते यांनी मानले.

न्यूज अनकट प्रतिनिधी : आनंद पवार