नवी दिल्ली, १ सप्टेंबर २०२०: भारतरत्न आणि देशाचे माजी राष्ट्रपती प्रणव मुखर्जी यांचे वयाच्या ८४ व्या वर्षी सोमवारी निधन झाले. ते बराच काळ आजारी होते. दिल्लीतील सैन्य रुग्णालयात त्यांनी अखेरचा श्वास घेतला. माजी राष्ट्रपतींच्या सन्मानार्थ केंद्र सरकारने ७ दिवसांचा राष्ट्रीय शोक जाहीर केला आहे. मंगळवारी दुपारी अडीच वाजता दिल्लीत लोधी स्मशानभूमीत त्यांच्यावर अंत्यसंस्कार करण्यात येणार आहेत.
पंतप्रधान नरेंद्र मोदी यांनी प्रणव मुखर्जी यांच्या निधनाबद्दल शोक व्यक्त केला. पंतप्रधान मोदींनी लिहिले की, प्रणव मुखर्जी यांच्या निधनामुळे संपूर्ण देश दु:खी आहे, ते एक राजकारणी होते. ज्यांनी राजकीय क्षेत्र आणि सामाजिक क्षेत्रातील प्रत्येक विभागात सेवा केली आहे. पंतप्रधान मोदी व्यतिरिक्त इतर अनेक नेत्यांनीही माजी राष्ट्रपतींच्या निधनाबद्दल शोक व्यक्त केला.
पश्चिम बंगालच्या ममता सरकारनेही प्रणव मुखर्जी यांच्या निधनानंतर १ सप्टेंबर रोजी राज्यात शोक जाहीर केला आहे. सर्व शासकीय कार्यालये बंद राहतील. राज्य पोलिस दिनाचा उत्सव २ सप्टेंबरपर्यंत पुढे ढकलण्यात आला आहे. प्रणव मुखर्जी हे कोरोना पॉझिटिव्ह असल्याचे दिसून आले आणि नुकतीच त्यांच्या मेंदू वर शस्त्रक्रिया देखील झाली. प्रणव मुखर्जी यांची प्रकृती खराब झाल्याने १० ऑगस्टला त्यांना दिल्लीतील आरआर रुग्णालयात दाखल करण्यात आले. त्यांच्या मेंदूत रक्ताच्या गुठळ्या तयार झाल्यानंतर ही शस्त्रक्रिया केली गेली, त्याच वेळी ते कोरोना पॉझिटिव्ह असल्याचेही सांगण्यात आले.
९७% दया याचिका फेटाळल्या गेल्या
प्रणव मुखर्जी यांचे त्यांच्या विद्वत्तापूर्ण आणि दयाळू व्यक्तिमत्त्वाबद्दल स्मरण केले जाईल, परंतु कठोर निर्णय घेण्यास ते कधीही मागे हटले नाहीत. राष्ट्रपती म्हणून त्यांच्या कार्यकाळातील महत्त्वाची बाब म्हणजे त्यांनी दया याचिकांवर कठोर काटेकोरपणा स्वीकारला. आपल्या कार्यकाळात त्यांनी ९७ टक्के दया याचिका फेटाळल्या. आर. वेंकटरमण नंतर प्रणव मुखर्जीं यांनी सर्वाधिक दया याचिका फेटाळल्या.
अफजल गुरू , अजमल कसाब आणि याकूब मेमनला फाशी देण्यावर प्रणवदांनी शिक्कामोर्तब केले होते
सध्याच्या काळातील सर्वात दिग्गज काँग्रेसी प्रणव दा यांचे गांधी घराण्याशी संबंध बिघडत चालले होते.
न्यूज अनकट प्रतिनिधी
