प्रियांका चोप्राची दक्षिणेत होणार एन्ट्री! साऊथ चित्रपटात प्रियांका चोप्रा ज्युनियर एनटीआरसोबत दिसणार

पुणे, ८ जून २०२३ : जागतिक स्टार बनलेली अभिनेत्री प्रियांका चोप्रा लवकरच दक्षिणेत धमाकेदार एन्ट्री करणार आहे. हॉलिवूडचा मार्ग स्वीकारणारी पीसी आता साऊथच्या पॅन इंडिया चित्रपटात दिसणार आहे. या चित्रपटात प्रियांका ऑस्कर विजेती आणि साऊथचा सुपरस्टार ज्युनियर एनटीआरसोबत दिसणार असल्याचे वृत्त आहे. या चित्रपटाचे दिग्दर्शन प्रशांत नील करणार आहेत , ज्यांनी यापूर्वी केजीएफ सारखा चांगला चित्रपट बनवला आहे.

मीडिया रिपोर्ट्सनुसार, प्रियांका चोप्रा ज्युनियर एनटीआरच्या पुढील चित्रपट एनटीआर ३१चा भाग असू शकते. या चित्रपटाबाबत अद्याप अधिकृत घोषणा करण्यात आली नसली तरी ती निश्चित मानली जात आहे. हा चित्रपट पॅन इंडियामध्ये प्रदर्शित होणार आहे.

प्रियांका बर्‍याच दिवसांपासून हॉलिवूड प्रोजेक्ट्समध्ये व्यस्त आहे, परंतु लवकरच ही अभिनेत्री बॉलिवूडमध्ये पुनरागमन करणार आहे. प्रियांका चोप्रा फरहान अख्तरच्या ‘जी ले जरा’ या चित्रपटात दिसणार आहे. या चित्रपटात आलिया आणि कतरिना कैफ देखील असणार आहेत. या रोड ट्रिप चित्रपटाच्या शूटिंगला लवकरच सुरुवात होणार आहे. या चित्रपटाची घोषणा फार पूर्वीच झाली होती.

‘न्यूज अनकट’ प्रतिनिधी : सूरज गायकवाड