राज्यात सार्वजनिक ठिकाणी थुंकल्यास होणार दंडासह शिक्षा : राजेश टोपे

मुंबई, दि.३० मे २०२०: सध्या राज्यात कोरोनाचा प्रादुर्भाव मोठ्या प्रमाणावर वाढू लागला आहे. या पार्श्वभूमीवर राज्य शासनाने आता राज्यात सार्वजनिक ठिकाणी तंबाखू, सुपारी, पान, पानमसाला, गुटखा तसेच अन्य तंबाखूजन्य पदार्थांचे सेवन, थुंकण्यास व धुम्रपानास प्रतिबंध करण्याचा महत्त्वपूर्ण निर्णय घेतला आहे. सार्वजनिक ठिकाणी थुंकणाऱ्यांना दंडासह शिक्षा ठोठावण्यात येणार असल्याचे आरोग्यमंत्री राजेश टोपे यांनी सांगितले.

कोरोना प्रतिबंधासाठी घेण्यात आलेल्या विविध उपाययोजनांची माहिती देण्यासाठी आरोग्यमंत्र्यांनी फेसबुक लाईव्हद्वारे संवाद साधला. त्यावेळी त्यांनी सांगितले की, सार्वजनिक ठिकाणी थुंकल्यामुळे अनेक संसर्गजन्य व प्राणघातक आजारांचा फैलाव होतो. आता तर कोरोनासारख्या महामारीचा संसर्ग हा थुंकीच्या माध्यमातून होत असल्याचे निष्पन्न झाल्याने याबाबत दक्षता घेऊन जनतेच्या हितासाठी प्रतिबंधात्मक उपाययोजना करण्यासाठी हा निर्णय घेण्यात आला आहे. त्यामुळे सार्वजनिक ठिकाणी थुंकणाऱ्यांवर आळा बसणार असून कोरोनाचा प्रादुर्भाव रोखण्यासही मदत मिळणार आहे.

न्युज अनकट प्रतिनिधी: