पुण्यात “बटरफ्लाय” हिंदी चित्रपटाचे पोस्टर लाँचिंग

पुणे : स्वरंग एंटरटेन्मेंट टेलिव्हिजन पार्टनर आणि पदमा ग्रुप अँड असोसिइट्स आयोजित “बटरफ्लाय” या हिंदी चित्रपटाच्या पोस्टरचे लॉंचिंग पुण्यातील एस.पी ( सर परशुराम) महाविद्यालयात नुकतंच पार पडलं.

या चित्रपटातील मुख्य कलाकार बॉलिवूड आणि टॉलीवूडचा प्रसिद्ध अभिनेता देव गिलने याठिकाणी उपस्थिती दर्शविली होती. विशेष म्हणजे देव गिल या चित्रपटामध्ये हिरोची भूमिका साकारणार आहे.आतापर्यंत आपण त्याला व्हिलेनच्या भूमिकेत पाहिले असल्याने त्याला हिरोच्या भूमिकेत पाहणे उत्सकतेचे ठरणार आहे.

तसेच या चित्रपटातील सर्व टीम या सोहळ्याला आवर्जून उपस्थित राहिले होते. चित्रपटातील सर्व कलाकारांचा स्वरंग इंटरटेन्मेंटचे प्रमुख आणि आर्यन्स ग्रुपचे सीईओ मनोहर जगताप यांनी सपत्नीक सत्कार केला.

याशिवाय या चित्रपट सोहळ्याचे मुख्य आकर्षण ठरले ते सैराट फेम सुरेश विश्वकर्मा यांनी कार्यक्रमात रंगत आणली. या कार्यक्रमासाठी तरुणांनी मोठया संख्येने गर्दी केली होती.

या सोहळ्यासाठी राष्ट्रवादीचे प्रवक्ते अंकुश काकडे, माजी नगरसेवक धनंजय जाधव, माजी नगरसेवक सदानंद शेट्टी, पुणे मनपाच्या नगरसेविका सुजाता शेट्टी, आरपीआयचे राष्ट्रीय निमंत्रक अॅड.मंदार जोशी, पीएसआय प्रमोद हंबीर, डॉ. बाबासाहेब आंबेडकर संघर्ष समितीचे राज्याचे अध्यक्ष शशिकांत कांबळे यांसह आदी मान्यवर उपस्थित होते.
यावेळी “शेतकरी पॅटर्न” हा वेगळ्या धाटणीच्या चित्रपटातील कलाकरांचाही यावेळी विशेष सत्कार करण्यात आला.

“बटरफ्लाय” या चित्रपटाचे दिगदर्शन रवी तांबिजी यांनी केले आहे. भिम चित्रपट सेनेच्या वतीने या कार्यक्रमाचे आयोजन करण्यात आले होते.