राशिभविष्य

मेष: शुभ रंग : तांबडा | अंक : ७ अती उत्साहाच्या भरात घेतलेले निर्णय चुकण्याची शक्यता आहे. मोठे आर्थिक व्यवहार आज दुपारनंतरच करा. वडीलधारी मंडळी उपदेशांचे डोस पाजतील.

वृषभ: शुभ रंग : भगवा | अंक : ३ कितीही पैसा आला तरी तो जाण्याचे मार्गही आधीच तयार असतील. जमाखर्चाचा तराजू समतोलच राहील.देण्याघेण्याचे व्यवहार चोख ठेवा. कुसंगती टाळाच.

मिथुन : शुभ रंग : पिस्ता | अंक : ४ नोकरीत कामाशी प्रामाणिक असाल. आज आपले काम सोडल्यास इतर गोष्टी तुमच्यासाठी गौण असतील. वरीष्ठही तुमच्या अडचणी समजून घेतील.

कर्क : शुभ रंग : मोरपंखी | अंक : ५ उद्योगधंद्यात मेहनत व चिकाटीच कामी येईल. मोठी स्वप्ने बघताना वास्तवाचे भान असणेही गरजेचे आहे. दुपारनंतर एखाद्या अनुकूल घटनेने उत्साह वाढेल.

सिंह : शुभ रंग : अबोली| अंक : २ मनाविरूध्द घटनांनी बेचैन व्हाल. आज कुणाकडे सल्ले मागत बसू नका. आज तुम्हाला एकांताची तसेच सत्संगाची गरज भासेल. उपासना मानसिक बळ देईल.

कन्या : शुभ रंग : निळा| अंक : ९ उद्योगधंद्यातील महत्वपूर्ण करार मदार दुपारपूर्वीच उरकून घ्या. संध्याकाळी वाहन चालवताना सतर्क रहा. वैवाहीक जिवनांत दुपारनंतर मौन सर्वार्थ साधनम.

तूळ : शुभ रंग : जांभळा| अंक : ६ आज कार्यक्षेत्रात काही पेचप्रसंगांना सामोरे जावे लागेल. क्वचित प्रसंगी अडला हरी….या म्हणीचा प्रत्यय येईल. वैवाहीक जिवनात गोडीगुलाबी राहील.

वृश्चिक : शुभ रंग : स्ट्रॉबेरी| अंक : ६ कार्यक्षेत्रात प्रगतीपथावर राहून स्वत:ची वेगळी ओळख निर्माण करता येईल. आवडत्या व्यक्तीच्या सहवासात आजचा संध्याकाळचा वेळ मजेत जाईल.

धनू : शुभ रंग : सोनेरी| अंक : ४ आज तुम्ही आपले आवडते छंद व व्यासंग जपण्यासाठी आवर्जुन वेळ कढाल. जुन्या मित्रांच्या गाठीभेटीत जुन्या स्मृतींना उजाळा द्याल. गृहाेद्योग तेजीत चालतील.

मकर : शुभ रंग : चंदेरी| अंक : १ थोडयाफार काैटुंबिक कटकटींवर जोडीदाराच्या सहाय्याने मात कराल. बेकायदेशीर व्यवहार मात्र टाळा. खोट्या सह्या करणारे अडचणीत येतील.

कुंभ : शुभ रंग : नारिंगी | अंक : २ आज उंची राहणीमानाकडे कल राहील. एखाद्या समारंभात आत्मविश्वासाने वावराल. खिशात पैसा खेळता असल्याने स्वत:चा मोठेपणा जपता येईल.

मीन : शुभ रंग : पिवळा | अंक : ६ आज हातचे सोडून मृगजळामागे धावायचा मोह होईल. काही चुकीचे सल्ले देणारी माणसे भेटतील. कोणतेही निर्णय जोडीदाराच्या सल्ल्यानेच घ्या.