नवी दिल्ली, २१ सप्टेंबर २०२२: बँकिंग नियमांचे योग्य पालन न केल्यामुळं, RBI अनेकदा बँकांवर कारवाई करत असते. भारतीय रिझर्व्ह बँक सहकारी बँकांबाबत अधिक खबरदारी घेत आहे. याच भागात आता रिझर्व्ह बँकेने एकाच वेळी ३ सहकारी बँकांवर कारवाई केलीय. बँकिंगच्या काही तरतुदींचे पालन न केल्यामुळं रिझर्व्ह बँकेची जबाबदारी या सहकारी बँकांवर येऊन पडली आहे. सेंट्रल बँकेने त्यांना १.५० लाख रुपयांपर्यंतचा दंड ठोठावला आहे.
या सहकारी बँकेवर सर्वाधिक दंड
रिझर्व्ह बँकेने सोमवारी स्वतंत्र निवेदनात म्हटलं आहे की ०३ सहकारी बँकांवर कारवाई करण्यात आली आहे. मध्य प्रदेशातील ग्वाल्हेर येथे असलेल्या डॉ. आंबेडकर नागरीक सहकारी बँक मर्यादित वर १.५० लाख रुपयांचा कमाल दंड ठोठावण्यात आलाय. बँक एक्सपोजरच्या तरतुदींबाबत UCB ला दिलेल्या काही मार्गदर्शक तत्त्वांचे योग्य प्रकारे पालन केलं गेलं नाही. याशिवाय केवायसीशी संबंधित तरतुदींचे पालन करण्यातही बँकेने चूक केली होती. यामुळं सेंट्रल बँकेने बँकेला दीड लाख रुपयांचा दंड ठोठावण्याचा निर्णय घेतला.
या दोन्ही बँकांनाही दंड
त्याचप्रमाणे सेंट्रल बँकेने रवी कमर्शिअल अर्बन को-ऑपरेटिव्ह बँक लि.ला रु.०१ लाख आणि मध्य प्रदेशातील विदिशा येथील नागरीक सहकारी बँक मर्यादीतला रु.२५ हजार दंड ठोठावलाय. सेंट्रल बँकेला रवी कमर्शियल अर्बन को-ऑपरेटिव्ह बँक लिमिटेडच्या जोखीम मूल्यमापन अहवालावरून कळलं आहे की मुदत ठेवींवरील व्याज भरण्यात त्यांनी चूक केलीय. त्यानंतर बँकेला कारणे दाखवा नोटीस बजावण्यात आली. दुसरीकडं, केवायसीशी संबंधित नियमांचे पालन न केल्यामुळं नागरी सहकारी बँक मर्यादीतला कारवाईला सामोरे जावं लागलं आहे.
न्यूज अनकट प्रतिनिधी: ईश्वर वाघमारे
