भारत आणि चीनला मदत करण्यास तयार: डोनाल्ड ट्रम्प

वॉशिंग्टन, ५ सप्टेंबर २०२०: अमेरिकेचे राष्ट्राध्यक्ष डोनाल्ड ट्रम्प यांनी भारताचे पंतप्रधान नरेंद्र मोदी यांचे कौतुक केले आहे आणि त्यांचे मित्र म्हणून वर्णन केले आहे आणि म्हटले आहे की ते खूप चांगले काम करत आहेत. अध्यक्ष ट्रम्प यांनी चीनच्या संदर्भात हे सांगितले.

ट्रम्प म्हणाले, सध्या चीन हा एक देश आहे ज्याची चर्चा रशियापेक्षा जास्त केली पाहिजे कारण चीन जे काम करत आहे ते अतिशय वाईट आहे. ट्रम्प यांनी पुन्हा एकदा कोरोना विषाणूवर चीनवर निशाणा साधत या विषाणूला ‘चायना व्हायरस’ असे संबोधले आणि असे म्हटले की जगाने हे बघायला हवे की चीनने या वायरस सोबत काय केले व जगाला याचा काही परिणाम भोगावा लागत आहे. जगातील १८८ देशांसोबत चीनने काय कृत्य केले हे सर्वांनीच लक्षात घ्यायला हवे.

ट्रम्प म्हणाले की, ही परिस्थिती (भारत-चीन तणाव) गंभीर आहे आणि आम्ही भारत आणि चीनच्या मदतीला उभे आहोत. जर आम्ही काही करू शकलो तर या दोन्ही देशांना मदत केल्याबद्दल आम्हाला आनंद वाटेल. ट्रम्प म्हणाले की ते भारत-चीन तणावाच्या मुद्दय़ावर दोन्ही देशांशी चर्चा करीत आहेत.

अमेरिकेचे अध्यक्ष म्हणाले, आम्हाला भारत आणि पंतप्रधान मोदी यांचे भरपूर पाठबळ मिळाले आहे. मला वाटते भारतीय लोक मला मतदान करतील. कोरोना महामारी होण्यापूर्वीच मी म्हणालो की तिथले लोक खूप विश्वासार्ह आहेत. तुम्हाला (भारतीय) एक महान नेता सापडला आहे जो एक महान व्यक्ती देखील आहे. अध्यक्ष ट्रम्प यांना अशी आशा होती की भारतीय लोक मोठ्या संख्येने त्यांना मतदान करतील.

न्यूज अनकट प्रतिनिधी: ईश्वर वाघमारे