‘बंडखोरांना किंमत चुकवावी लागेल, सरकार वाचवण्यासाठी काहीही करू’, शरद पवार

मुंबई, 24 जून 2022: महाराष्ट्रातील राजकीय संकट दिवसेंदिवस गुंतागुंतीचं होत आहे. महाविकास आघाडीसाठी मैदानावरील परिस्थिती अजूनही कठीण असून बहुमत राखणं आव्हानात्मक ठरत आहे. दरम्यान, राष्ट्रवादीने आपल्या नेत्यांची महत्त्वपूर्ण बैठक घेतली आहे. त्या बैठकीत शरद पवार यांच्या वतीने अनेक मुद्यांवर चर्चा करण्यात आली.

बैठकीत शरद पवार यांनी पक्षश्रेष्ठींना सद्यस्थितीवर बारकाईने लक्ष ठेवण्यास सांगितलं आहे. सर्व काही समजून घेतल्यानंतरच निर्णय घेतला जाईल. राष्ट्रवादी काँग्रेस अद्याप कोणतीही घाई करणार नसल्याचं त्यांच्या वक्तव्यावरून स्पष्ट झालं आहे.

याशिवाय राष्ट्रवादी काँग्रेस पक्षाने अद्याप शिवसेनेला सोडचिठ्ठी दिलेली नाही, यावरही भर दिला. त्याचबरोबर बंडखोर झालेल्या आमदारांना परत आणण्यासाठी शिवसेनेला मदत करावी लागणार आहे. यापूर्वी शरद पवार यांनी शिवसेनेच्या अंतर्गत बाबींमध्ये हस्तक्षेप करणार नसल्याचे सांगितलं होतं. मात्र आता सरकारवर संकट अधिक गडद होत असल्याने तेही सक्रिय भूमिका बजावताना दिसत आहेत. सरकार वाचवण्यासाठी काहीही केलं जाईल तर बंडखोरी करणाऱ्यांना त्याची किंमत चुकवावी लागेल, असंही ते म्हणाले.

संजय राऊत यांच्या वेगळेपणाच्या वक्तव्यानंतर राष्ट्रवादी काँग्रेस सरकारमध्ये राहायची का, या मुद्द्यावरही चर्चा सुरू होती. त्यांनी महाविकास आघाडीपासून फारकत घ्यावी का? हा प्रश्न शरद पवार यांच्या वतीने पक्षासमोर ठेवण्यात आला असून, त्यावर अद्याप कोणताही निर्णय झाला नसल्याचे सांगण्यात येत आहे. शिवसेनेने आपल्या बंडखोर आमदारांना एकत्र आणले तर काँग्रेस आणि राष्ट्रवादी या दोन्ही पक्षांसाठी अडचणी निर्माण होऊ शकतात, असे मत पक्षाच्या वरिष्ठ नेत्यांनी मांडताना सांगितलं आहे, कारण त्यांच्याच पक्षातील अनेक नेते या आघाडीच्या विरोधात धाव घेत आहेत.

त्याचवेळी बैठकीनंतर झालेल्या पत्रकार परिषदेत अजित पवार यांनी पक्ष शेवटपर्यंत उद्धव ठाकरेंच्या पाठीशी उभा राहणार असल्याचे स्पष्ट केलं आहे. या सरकारला वाचवण्यासाठी सर्वतोपरी प्रयत्न केले जातील. दुसरीकडं राष्ट्रवादीच्या पालकमंत्र्यांकडून आपल्याला आवश्यक निधी दिला जात नसल्याचा आरोप काही शिवसैनिक आमदारांनी केल्याने अजित पवार यांनी हे सर्व आरोप बिनबुडाचे असून, आपल्या पक्षाने कधीही विकासाच्या आड येत नसल्याचे सांगितले आहे.

राष्ट्रवादीशिवाय काँग्रेसकडूनही बैठकांच्या फेऱ्या सुरू झाल्या आहेत. या बैठकीत काँग्रेसने सरकार वाचणार असून एकनाथ शिंदे यांना 37 आमदारांचा पाठिंबा मिळवता येणार नाही, अशी अपेक्षा व्यक्त केली आहे. जोपर्यंत शिवसेना भाजपसोबत सरकार बनवायचे आहे, असे उघडपणे सांगत नाही, तोपर्यंत महाविकास आघाडी एकसंध राहणार आहे, सरकारही कायम राहणार असल्याचे बैठकीत स्पष्ट करण्यात आले आहे.

न्यूज अनकट प्रतिनिधी: ईश्वर वाघमारे