आज रियाची पुन्हा होणार चौकशी, एनसीबी कार्यालयास रवाना

मुंबई, ७ सप्टेंबर २०२०: सुशांतसिंग राजपूत प्रकरणात रियाला पुन्हा चौकशीसाठी बोलावण्यात आले आहे.  रिया चक्रवर्ती पुन्हा ड्रग्ज कनेक्शनच्या संदर्भात एनसीबीसमोर हजर होईल.  सोमवारी पुन्हा एकदा चौकशीसाठी रिया चक्रवर्ती एनसीबी कार्यालयासाठी घराबाहेर पडली आहे .  रियाला सकाळी १० वाजेपर्यंत एनसीबी कार्यालय गाठायला सांगण्यात आले आहे.  मुंबई पोलिसांचे पथक रियाच्या सुरक्षेत गुंतले आहेत.

       
ड्रग्जच्या संबंधात शौविक चक्रवर्ती आणि सॅम्युअल मिरांडाला अटक केल्यानंतर आता अटकेची तलवार अभिनेत्री रिया चक्रवर्ती हिच्यावर टांगली जात आहे.  रविवारी नारकोटिक्स कंट्रोल ब्युरोने (एनसीबी) रियाची चौकशी केली. यादरम्यान रियाने बर्‍याच महत्त्वाच्या गोष्टी उघड केल्या आहेत.  तीच्या प्रतिसादावर एनसीबी समाधानी आहे की नाही हे पाहणे बाकी आहे. आज एनसीबी रिया-शौविक-मिरंडा या तिघांना एकत्र बसून चौकशी करतील. सुशांत प्रकरणात सीबीआय चौकशीही सुरू आहे.

 रविवारी ६ तास करण्यात आली चौकशी

रविवारी भारी सुरक्षेतेच्या दरम्यान रिया एनसीबी कार्यालयात पोहचली. रिया चक्रवर्ती १२ च्या सुमारास एनसीबी कार्यालयात पोहोचली जिथे तिचा भाऊ शौविक चक्रवर्ती आधीच हजर होता. या दोघांनाही समोरासमोर प्रश्न विचारण्यात आले होते. सुमारे साडेसहा तासाच्या चौकशीत एनसीबीने रियाचा ड्रग्ज प्रकरणात कसा समावेश आहे हे शोधण्याचा प्रयत्न केला तसेच या संपूर्ण प्रकरणातील पैशांच्या हेरा फेरी बद्दलचेही प्रश्न विचारले गेले.

सुशांतची बहीण श्वेतासिंग कीर्ती हिने ट्विट करून आपल्या भावाला न्याय देण्याचे आवाहन केले आहे.  तीने असे लिहिले आहे की आम्ही एकमेकांना वचन दिले होते की आम्ही नेहमी एकमेकांचे रक्षण करू. परंतू मी असफल झाले भावा .  पण, आज मी आणि संपूर्ण देश तुला आणखी एक वचन देतो की आम्हाला सत्य सापडेल, आम्ही तुला न्याय देऊ.  मी माझ्या भावाला ओळखते, तो एक सक्रिय आणि आनंदी व्यक्ती होता.

संदीप सिंगने मौन तोडले

सुशांत प्रकरणात त्याचा मित्र संदीप सिंगवर अनेक प्रश्न उपस्थित होत होते.  आता संदीप सिंगने त्यांच्यावरील मौन तोडले आहे.  संदीप सिंगने सुशांत आणि त्याची बहीण मितू यांच्याबरोबर व्हॉट्सअॅप चॅटचा खुलासा केला आहे. त्यांनी या चॅट्सचे इंस्टावर जाहीर स्पष्टीकरण दिले आहे आणि सुशांतच्या मृत्यूनंतर त्याला हॉस्पिटलपासून स्मशानभूमीपर्यंत सर्वात पुढे का पाहिले गेले हे त्याने स्पष्ट केले आहे.  तो म्हणाला की मी सुशांतच्या कुटूंबाचे समर्थन केले आहे आणि मला मैत्रीचे प्रमाणपत्र द्यावे लागले. माझा आणि माझ्या कुटुंबाचा छळ होत आहे.  माझ्यावर कशाचा आरोप आहे?  जे लोक आरोप करत आहेत ते सुशांतच्या अंत्यदर्शनास का आले नाहीत?  रियाने स्वतः मुलाखतीत सांगितले की ती मला ओळखत नाही.  सीबीआयच्या टीमने मला बोलावले कारण ते जाणून घेऊ इच्छित होते की १४ आणि १५ जून रोजी काय घडले.  मी त्यांना सर्व काही सांगितले आहे. प्रत्येकाची सीबीआय चौकशी व्हायची होती.  पण, आता लोक हे ठरवत आहेत की आरोपी कोण आहे?  आपण संयम धरला पाहिजे.

 आतापर्यंत या लोकांना अटक करण्यात आली आहे

कैजान व्यतिरिक्त अब्दुल बासित, जैद विलात्र, शौविक चक्रवर्ती (रियाचा भाऊ), सॅम्युअल मिरांडा, अब्बास लखानी आणि अनुज केसवानी यांना सुशांत मृत्यू प्रकरणातील ड्रग्जच्या संबंधात अटक करण्यात आली आहे.  दुसरीकडे कोर्टाने शौविकला ९ सप्टेंबरपर्यंत एनसीबी रिमांडवर पाठवले आहे.  सुशांतच्या घराचा व्यवस्थापक सॅम्युअल मिरंडा यांलाही ४ दिवसांच्या रिमांडवर पाठविण्यात आले आहे.  एनसीबीने ७ दिवसांचा रिमांड मागितला, परंतु कोर्टाने केवळ ४ दिवसांचे रिमांड दिले.

न्यूज अनकट प्रतिनिधी: ईश्वर वाघमारे