शहनाज गिल ने केला होता सलमान खानचा नंबर ब्लॉक

मुंबई,१४ एप्रिल २०२३: बॉलीवूड सुपरस्टार सलमान खान आणि शहनाज गिल यांची भेट बिग बॉस १३ मध्ये झाली. बिग बॉस १३ मध्ये शहनाज ने चाहत्यांप्रमाणेच सलमान खानचे मन देखील जिंकले.शहनाज आता सलमान खानचा आगामी चित्रपट ‘किसी का भाई किसी की जान’ मधून बॉलिवूडमध्ये पदार्पण करण्यासाठी सज्ज झाली आहे.हा चित्रपट २१ एप्रिल रोजी प्रदर्शित होत आहे. चित्रपटाच्या प्रमोशनदरम्यान संपूर्ण टीम वेगवेगळ्या कार्यक्रमांमधून प्रेक्षकांच्या भेटीस येत आहे. अशाच नावाजलेल्या कपिल शर्माच्या कार्यक्रमात शहनाज ने तिला चित्रपट कसा मिळाला हे सांगितले.

शो दरम्यान, कपिल शर्माशी संवाद साधताना, शहनाजने पहिल्यांदा सलमान खानचा नंबर तिने ब्लॉक केल्याचे सांगितले. झालं असं की, सलमानने तिला ‘किसी का एस भाई किसी की जान’मधील भूमिकेसाठी बोलावले होते. त्यावेळी ती अमृतसरमध्ये होती आणि सलमानने तिला फोन केला होता. तिला अनोळखी नंबर ब्लॉक करण्याची सवय असल्याने, सलमान खानचा नंबर तिने नकळत लगेच ब्लॉक केला. काही मिनिटांनंतर सलमान तिला संपर्क करत असल्याचा तिला एका मेसेज द्वारे समजलं. त्यानंतर शहनाजने Truecaller अॅपवर नंबर शोधला आणि प्रत्यक्षात सलमान खानच तिला कॉल करत असल्याचं तिला कळलं. शहनाजने लगेचच सलमानचा नंबर अनब्लॉक केला आणि त्याला परत कॉल केला.

त्यानंतर सलमानने तिला या चित्रपटाची ऑफर दिली आणि तिने बॉलीवूडमध्ये पहिली भूमिका मिळवली. प्रसिद्ध अभिनेता सिद्धार्थ शुक्ला यांच्या अचानक निधनानंतर त्या दुःखातून सावरून शहनाजने तिची यशस्वी वाटचाल सुरू केली. या तिचा वाटचालीत सलमानने तिला मोठ्या पडद्यावर संधी दिली. चित्रपटाच्या ट्रेलर लाँचदरम्यान सलमान खान बरोबर काम करताना शहनाजला भीती वाटली का? असा प्रश्न केल्यानंतर तिने त्यावर उत्तर देताना म्हटलं,”किसी का भाई किसी की जानमध्ये सलमान खानसोबत काम करताना मी अजिबात घाबरले नाही. प्रेक्षकांना माझं काम आवडलं तर ती माझ्यासाठी खरी पावती असेल”.

न्यूज अनकट प्रतिनिधी: ऋतुजा पंढरपुरे.