शेखर सुमन याने सुशांत सिंग राजपूतच्या मृत्यू प्रकरणावरून लक्ष भटकल्यामुळे केले ट्विट

नवी दिल्ली, २५ सप्टेंबर ,२०२०: सुशांत सिंग राजपूत याच्या मृत्यूनंतर सध्या बॉलिवूड मध्ये ड्रग्सचा मुद्दा खूप जोर धरत आहे. एका पाठोपाठ एक नावे ड्रग्स प्रकरणात बाहेर येत आहेत. यात बड्या स्टार्सचा ही समावेश आहे. माहितीनुसार यात सुपरस्टार दीपिका पादुकोण, रकुल प्रीत सिंग, श्रद्धा कपूर अशा अभिनेत्रींचा समावेश आहे. यांची चौकशी एनसीबी तर्फे सुरू आहे.

यात अभिनेता शेखर सुमन याने ट्विट केलं आहे. आणि ते ट्विट प्रचंड व्हायरल झाले आहे. सुशांत सिंग राजपूत याच्या मृत्यू नंतर सर्वच लोक त्याला न्याय मिळावा याच्या प्रतीक्षेत आहेत. शेखर सुमन याने सुशांतच्या मृत्यू नंतर ट्विट करत अनेक प्रश्न उपस्थित केले आहेत. अशातच सध्या ट्रेंडिंग मध्ये असलेला ड्रग्सचा मुद्दा.या बाबत शेखर ने ट्विट करत आपले मत मांडले आहे.

शेखर सुमन यांनी आपल्या ट्विट मध्ये लिहले,” ड्रगिजला मरु द्या,तुरुंगात टाका, देशातून बाहेर काढा, चित्रपटातून काढून टाका, आम्हाला काही घेणं देणं नाहीये, आम्हाला फक्त इतकं सांगा सुशांत सिंग राजपूत याला कोणी मारले आणि का मारले? कुठे गेले पिठाणी, नीरज, सैम्यूअल, खत्री, कुक, ऐम्बुलेंस वाला, नकाब वाली मुलगी, लॉकस्मिथ आणि संपूर्ण गँग??? शेखर सुमन याचे हे ट्विट प्रचंड व्हायरल होत आहे. यावर सर्वच लोक आपली प्रतिक्रिया व्यक्त करत आहेत.

न्यूज अनकट प्रतिनिधी: अंकुश ढावरे