पुणे, १० जून २०२१: वर्षाचे पहिले सूर्यग्रहण आज १० जून २०२१ रोजी होणार आहे. सूर्यग्रहण दरम्यान चंद्र सूर्य आणि पृथ्वी एका रेषेत असतील. यापूर्वी, २६ मे रोजी वर्षाचे पहिले चंद्रग्रहण झाले. तर जाणून घेऊया आपण केव्हा आणि कोठून हे सूर्यग्रहण पाहू शकता.
भारतातील सूर्य ग्रहण वेळ
वर्षाचे पहिले सूर्यग्रहण भारतातील सर्वच ठिकाणी दिसणार नाही. परंतु हे दृश्य अरुणाचल प्रदेशच्या दिबांग वन्यजीव अभयारण्य आणि लडाख च्या उत्तरेकडील सीमे भागात अगदी शेवटच्या क्षणाला थोड्या काळासाठी ५.५२ वाजता पहायला मिळेल.
नॅशनल एयरोनॉटिक्स अँड स्पेस ऍडमिनिस्ट्रेशन (नासा) च्या म्हणण्यानुसार, १० जून रोजी होणारे सूर्यग्रहण ‘रिंग ऑफ फायर’ सारखे दिसेल. या दरम्यान, चंद्र पृथ्वीवर पोहोचणार्या सूर्याचे पुरेसे किरण ब्लॉक करेल. अशा परिस्थितीत काही काळ पृथ्वीवर लोकांना सूर्य एखाद्या आगीच्या वर्तुळा सारखा दिसेल.
रिंग ऑफ फायर कधी तयार होते
रिंग ऑफ फायरला वार्षिकीय सूर्यग्रहण म्हणतात. जेव्हा चंद्र त्याच्या सावलीत सूर्याचा संपूर्ण भाग व्यापण्यास असमर्थ असतो तेव्हा असे होते. अशा परिस्थितीत सूर्याचा काही भाग चंद्राच्या मागून चमकतो आणि त्याचे दृश्य आगीत जळत असलेल्या अंगठीसारखे दिसते. यालाच रिंग ऑफ फायर म्हणतात.
तज्ञ म्हणतात की सूर्यग्रहणाचे हे अद्भुत दृश्य संपूर्ण भारतात दिसणार नाही. हे फक्त लडाख आणि अरुणाचल प्रदेशातील भागांतूनच पाहिले जाऊ शकते. हे सूर्यग्रहण दक्षिण अमेरिका, पॅसिफिक, हिंद महासागर आणि अंटार्क्टिका या भागांमधूनही दृश्यमान असेल. याशिवाय देश-विदेशातील वेगवेगळ्या ठिकाणी लोक थेट वेबकॅमद्वारे ते पाहण्यास सक्षम असतील.
सूर्य ग्रहण भारताव्यतिरिक्त कोठे दिसेल
भारतातील काही विशिष्ट ठिकाणांव्यतिरिक्त, सूर्यग्रहण कॅनडा, ग्रीनलँड आणि रशियाच्या काही निवडक भागातूनही दृश्यमान असेल. या व्यतिरिक्त न्यूयॉर्क, वॉशिंग्टन डीसी, लंडन आणि टोरोंटो येथूनही लोक हे पाहण्यास सक्षम असतील. न्यूयॉर्क मधून सूर्यग्रहणाचे ७० टक्के पेक्षा जास्त कव्हरेज मिळेल.
न्यूज अनकट प्रतिनिधी: ईश्वर वाघमारे
