लखनऊ, दि. ३ मे २०२० : उत्तर प्रदेशातील ८०० हून अधिक कामगारांसह महाराष्ट्रातील नाशिकहून पहिली विशेष रेल्वेगाडी रविवारी पहाटे सहा वाजता राजधानी लखनऊमधील चारबाग रेल्वे स्थानकावर आली. कोरोना विषाणूचा संसर्ग रोखण्यासाठी राबविण्यात आलेल्या लॉकडाऊनमुळे हे कामगार २५ मार्चपासून नाशिकमध्ये अडकले होते.
देशभरात लॉकडाऊन दरम्यान दुसर्या राज्यातून आलेल्या प्रवाशांसह उत्तर प्रदेशात येणारी ही पहिली ट्रेन आहे. अतिरिक्त मुख्य सचिव गृह, माहिती अवनीश अवस्थी यांनी शनिवारी पत्रकार परिषदेत सांगितले की, महाराष्ट्रातील नाशिकहून उत्तर प्रदेशमधील कामगारांना घेऊन जाणारी रेल्वे शनिवारी सकाळी १०.३० वाजता तेथून निघाली. महाराष्ट्र आणि गुजरातमध्ये राहणाऱ्या उत्तर प्रदेशातील अधिकाऱ्यांशी सतत चर्चा होत असल्याचे त्यांनी सांगितले होते. ही विशेष गाडी रविवारी सकाळी झाशी व कानपूरमार्गे लखनऊला पोहोचली.
१ मे रोजी रेल्वेने ‘श्रमिक स्पेशल’ गाड्या चालवण्याची घोषणा केली होती. या गाड्या २५ मार्चच्या लॉकडाऊन घोषणेनंतर अडकलेल्या प्रवासी कामगार, यात्रेकरू, पर्यटक आणि विद्यार्थ्यांना इतर देशांतील आपापल्या राज्यात पोचविण्यासाठी असतील. शुक्रवारी पहाटे साडेचार वाजता रेल्वेने हैदराबादहून झारखंडकडे जाणारी पहिली ट्रेन सोडली.
न्यूज अनकट प्रतिनिधी
