नौदलाच्या नवीन विध्वंसक ‘INS विशाखापट्टणम’ वरून ‘बाहुबली’ क्षेपणास्त्राची यशस्वी चाचणी

नवी दिल्ली, 12 जानेवारी 2022: भारताच्या सर्वात शक्तिशाली क्षेपणास्त्र ब्रह्मोस सुपरसॉनिक क्रूझ क्षेपणास्त्राची देशातील पहिल्या स्टेल्थ गाईडेड मिसाईल डिस्ट्रॉयर म्हणजेच INS विशाखापट्टणमवरून यशस्वी चाचणी घेण्यात आलीय. भारतीय नौदलाच्या म्हणण्यानुसार, या क्षेपणास्त्राची पश्चिम किनाऱ्यावरील समुद्रात चाचणी घेण्यात आली. ब्रह्मोस क्षेपणास्त्राच्या समुद्रातून समुद्रात मारा करणाऱ्या या क्षेपणास्त्राने कमाल पल्ला गाठला आणि अचूकतेनं लक्ष्य नष्ट केलं.

प्रथम ब्रह्मोस क्षेपणास्त्राच्या सागरी व्हेरीएंटबद्दल जाणून घेऊया, नंतर INS विशाखापट्टणमसोबत त्याचं मिश्रण शत्रूची झोप कशी उडवंल हे समजून घेऊ. ब्रह्मोस क्षेपणास्त्राचे चार व्हेरीएंट समुद्रातून डागले जाणार आहेत. पहिले युद्धनौकेवरून प्रक्षेपित केले जाणारे अँटी-शिप व्हेरीएंट, दुसरे युद्धनौकेवरून लॉन्च केले जाणारे लँड-अटॅक व्हेरीएंट आहे. हे दोन्ही व्हेरीएंट भारतीय नौदलात आधीपासूनच कार्यरत आहेत. तिसरा- सबमरीन मधून लॉन्च केला जाणारा अँटी-शिप व्हेरीएंट. ज्याची यशस्वी चाचणी झाली आहे. चौथा- सबमरीन मधून-लाँच केले जाणारे लँड-अटॅक व्हेरीएंट.

भारतीय नौदलानं आयएनएस रणवीर आणि आयएनएस रणविजय या राजपूत वर्गातील विनाशकांमध्ये 8 ब्रह्मोस क्षेपणास्त्रांसह लाँचर्स स्थापित केले आहेत. याशिवाय 8 ब्रह्मोस क्षेपणास्त्रांसह एक लाँचर तलवार श्रेणीच्या फ्रिगेट्स INS तेग, INS तरकश आणि INS त्रिकंडमध्ये तैनात आहे. ब्राह्मोस क्षेपणास्त्र शिवालिक वर्गाच्या फ्रिगेटमध्येही बसवण्यात आलं आहे. हे कोलकाता क्लास डिस्ट्रॉयरमध्ये देखील पोस्ट केलं आहे. INS विशाखापट्टणम येथे यशस्वी चाचणी घेण्यात आलीय. यानंतर भारतीय नौदल हे क्षेपणास्त्र निलगिरी वर्ग फ्रिगेटमध्ये तैनात करणार आहे.

युद्धनौकेवरून सोडण्यात आलेले ब्रह्मोस क्षेपणास्त्र 200 किलो वजनाचं वारहेड वाहून नेऊ शकतं. हे क्षेपणास्त्र मॅच 3.5 पर्यंत कमाल वेग गाठू शकतं. म्हणजेच ताशी 4321 किलोमीटरचा वेग. यात टू स्टेज प्रोपल्शन सिस्टीम आहे. पहिला सॉलिड आणि लिक्विड. दुसरा टप्पा रॅमजेट इंजिनचा आहे. जे त्याला सुपरसॉनिक गती देते. तसंच इंधनाचा वापर कमी होतो. आयएनएस विशाखापट्टणममध्ये त्याच्या तैनातीमुळं काय फायदा होईल हे आता समजून घेऊया?

अगदी अलीकडंच, देशातील पहिलं स्टेल्थ गाईडेड मिसाईल डिस्ट्रॉयर म्हणजेच INS विशाखापट्टणम भारतीय नौदलाला मिळालं. ही अशी युद्धनौका आहे, जी शत्रूचा घाम फोडेल. या डिस्ट्रॉयर मध्ये भारताचं सर्वात शक्तिशाली क्षेपणास्त्र ब्रह्मोस आणि बराक क्षेपणास्त्रं बसवण्यात आली आहेत. हे शत्रूचे जहाज त्याच्या डेकवरून विमानविरोधी क्षेपणास्त्रे नजरेसमोर डागू शकते.

PB15 स्टेल्थ गाईडेड मिसाईल नाशकाला INS विशाखापट्टणम असे नाव देण्यात आलं आहे. INS विशाखापट्टणम स्टेल्थ गाईडेड मिसाईल डिस्ट्रॉयरचे बांधकाम 12 ऑक्टोबर 2013 रोजी सुरू झालं. ही 7400 टन वजनाची युद्धनौका आहे. त्याची लांबी 535 फूट आहे. Twin Zorya M36E गॅस टर्बाइन प्लांट, बर्गन KVM डिझेल इंजिन यांसारख्या शक्तिशाली इंजिनद्वारे समर्थित आहे. जेणेकरून ते समुद्रात वेगाने फिरू शकेल.

INS विशाखापट्टणमचा कमाल वेग 56 किमी प्रतितास आहे. जर ते ताशी 26 किलोमीटर वेगाने धावत असेल तर त्याची श्रेणी 7400 किलोमीटर आहे. या युद्धनौकेवर 300 खलाशी एकत्र राहू शकतात. त्यामध्ये 50 अधिकारी आणि 250 सेलर्स चा समावेश आहे. सुरक्षेसाठी, डीआरडीओने बनवलेले इलेक्ट्रॉनिक वॉरफेअर शक्ती ईडब्ल्यू सूट आणि कवच चाफ सिस्टीम स्थापित करण्यात आली आहे. आता त्याच्या शस्त्रांबद्दल जाणून घ्या.

विशाखापट्टणम गाईडेड मिसाईल डिस्ट्रॉयर 32 एअर अँटी बराक मिसाइल तैनात करू शकते. ज्याची रेंज 100 किमी आहे. किंवा बराक 8ER क्षेपणास्त्रं तैनात केली जाऊ शकतात, ज्याची रेंज 150 किमी आहे. यात 16 अँटी-शिप किंवा लँड अॅटॅक ब्रह्मोस क्षेपणास्त्रं बसवता येतील. म्हणजेच या दोन क्षेपणास्त्रांनी सज्ज झाल्यानंतर ही युद्धनौका शत्रूच्या जहाजांवर आणि विमानांवर समुद्रातील सैतानप्रमाणे तुटून पडेल.

याशिवाय INS विशाखापट्टणममध्ये 76 मिमीची OTO मेराला तोफ, 4 AK-603 CIWS तोफा आहेत. जे शत्रूची जहाजं, क्षेपणास्त्रं किंवा विमानांची चाळणी करू शकतात. यात 2 RBU-6000 अँटी-सबमरीन रॉकेट लाँचर्सशिवाय 533 मिमीच्या 4 टॉर्पेडो ट्यूब आहेत. म्हणजेच जमीन, हवा आणि पाण्यापासून या युद्धनौकेवर हल्ला करण्यापूर्वी शत्रू विचार करेल.

दोन वेस्टलँड सी किंग किंवा एचएएल ध्रुव हेलिकॉप्टर आयएनएस विशाखापट्टणमवर नेले जाऊ शकतात. या युद्धनौकेत अत्याधुनिक सेन्सर्स बसवण्यात आले असून, ते शत्रूची शस्त्रं सहज शोधू शकतात. हे सेन्सर अशा डेकमध्ये बसवण्यात आले आहेत, जे शत्रू पाहू शकत नाहीत. त्यात बॅटल डॅमेज कंट्रोल सिस्टिम बसवण्यात आलीय. म्हणजेच युद्धादरम्यान जहाजाच्या कोणत्याही भागात नुकसान झाल्यास संपूर्ण युद्धनौकेने काम करणं थांबवू नये.

विशाखापट्टणम हे स्वदेशी स्टील DMR 249A वापरून तयार केलं जाते. जहाजामध्ये सुमारे 75% स्वदेशी साहित्य आहे जे आत्मनिर्भर भारतासाठी योगदान देईल. जहाजाची पोहोच आणखी वाढवण्यासाठी दोन एकात्मिक हेलिकॉप्टर चालवण्याची क्षमता देखील आहे.

न्यूज अनकट प्रतिनिधी: ईश्वर वाघमारे