Sulli Deal : कोण आहे मास्टरमाइंड ओंकेश्वर ठाकूर, असा लावायचा लिलावाचा सापळा

नवी दिल्ली, 9 जानेवारी 2022: Sulli Dealचा सूत्रधार ओंकेश्वर ठाकूर हाही रविवारी पोलिसांच्या ताब्यात गेला. खरंतर तो सगळा खेळ अतिशय हुशारीने खेळत होता. मात्र बुल्ली बाई ऍपच्या सूत्रधाराने हे गुपित उघड केल्यावर वास्तव समोर आले. मास्टरमाइंड ओंकेश्वर ठाकूर हा बीसीएचा विद्यार्थी आहे. तो आजपासून बरोबर दोन वर्षांपूर्वी म्हणजे जानेवारी 2020 मध्ये @gangescion या ट्विटर हँडलद्वारे ट्रेड महासभा नावाच्या गटात सामील झाला होता.

असा करायचा Sulli Deal

या ग्रुपवर अनेक लोक रोज चर्चा करत असत. दरम्यान, ग्रुपमधील सदस्यांनी मुस्लिम समाजातील महिलांना ट्रोल करण्याची योजना आखली. यानंतर ओंकेश्वर ठाकूरने एक अॅप तयार केले, ज्याचे नाव त्याने GitHub ठेवले. त्यानंतर त्याने सुली फॉर सेल वेबसाइट तयार केली होती. हा मास्टरमाइंड मुस्लिम महिलांच्या ट्विटर हँडलवरून माहिती आणि वैयक्तिक फोटो काढायचा आणि त्यांचा जाहीर लिलाव करायचा. यालाच ‘सुली डील’ म्हांटल जात होतं.

फोटो काढले आणि लिलावासाठी ठेवले

वास्तविक, जेव्हा एका वापरकर्त्याने GitHubचा स्नॅपशॉट शेअर केला तेव्हा या गेमवरून पडदा उचलला गेला. ज्याने सुली डील्सचे आयोजन केले होते. यामध्ये मुस्लिम समाजातील सुमारे 90 महिलांचे फोटो शेअर करण्यात आले होते. जे लिलावासाठी ठेवण्यात आले होते. ‘सुल्ली’ हा शब्द मुस्लिम महिलांसाठी अत्यंत अपमानास्पद मानला जातो.

गोंधळानंतर पुरावे हटवले

सुल्ली डील अॅपवरून झालेल्या गदारोळानंतर मास्टरमाइंड ओंकेश्वर ठाकूरने सर्व सोशल मीडिया प्लॅटफॉर्मवरून सर्व पुरावे डिलीट केले. सुल्ली डील अॅपशी संबंधित चित्रे आणि कोड शोधले जात आहेत. जेणेकरून या गेममध्ये लपलेले अधिकाधिक लोकांपर्यंत पोहोचता येईल.

न्यूज अनकट प्रतिनिधी: ईश्वर वाघमारे