आजपासून आशिया चषकात होणार सुपर फोरचा सामना, जाणून घ्या सर्व सामन्यांचे वेळापत्रक

Asia Cup 2022, ३ सप्टेंबर २०२२: आशिया कप 2022 च्या सुपर फोरमधील सर्व संघ अंतिम झाले आहेत. सुपर फोरमध्ये प्रवेश मिळवणारा पाकिस्तानचा संघ शेवटचा संघ होता. पाकिस्तानने शुक्रवारी हाँगकाँगचा १५५ धावांनी पराभव करत ही कामगिरी केली. १९४ धावांच्या लक्ष्याचा पाठलाग करताना हाँगकाँगचा संघ अवघ्या ३८ धावांवर गारद झाला.

अफगाणिस्तान-श्रीलंका यांच्यात आज सामना होत आहे

आता सुपर फोरसाठी पात्र ठरलेले चार संघ एकदाच आमनेसामने येतील. म्हणजेच सुपर-फोरमध्ये एकूण सहा सामने होतील आणि जो संघ टॉप-२ वर येईल तो अंतिम फेरीत पोहोचेल. सुपर फोरच्या पहिल्या सामन्यात शनिवारी (३ सप्टेंबर) श्रीलंका आणि अफगाणिस्तान यांच्यात सामना होणार आहे. यानंतर भारत आणि पाकिस्तान यांच्यातील ब्लॉकबस्टर सामना ४ सप्टेंबरला (रविवार) होणार आहे.

११ रोजी अंतिम सामना होणार आहे

भारताचा पुढील सामना ६ सप्टेंबरला श्रीलंकेविरुद्ध होणार आहे. ७ सप्टेंबरला पाकिस्तान-अफगाणिस्तान, तर ८ सप्टेंबरला भारत आणि अफगाणिस्तान यांच्यात स्पर्धा होणार आहे. सुपर फोरचा शेवटचा सामना ९ सप्टेंबरला श्रीलंका आणि पाकिस्तान यांच्यात होणार आहे. त्यानंतर दोन दिवसांनी ११ सप्टेंबरला आशिया कपचा अंतिम सामना खेळवला जाणार आहे.

अ गटात भारत अव्वल

रोहित शर्माच्या नेतृत्वाखालील टीम इंडियाने त्यांचे दोन्ही सामने जिंकले आणि अ गटात अव्वल स्थान मिळवून सुपर-फोरसाठी पात्र ठरले. पहिल्या सामन्यात भारताने पाकिस्तानचा ५ विकेट्सने पराभव केला होता. दुसऱ्या सामन्यात त्याने हाँगकाँगचा ४० धावांनी पराभव केला. पाकिस्तानचा संघ एका विजयासह दुसऱ्या स्थानावर राहिला. दोन्ही सामने गमावल्यामुळे हाँगकाँगचा संघ स्पर्धेतून बाहेर पडला.

ब गटात अफगाणिस्तानचा विजय

अफगाणिस्तान ब गटात दिसला ज्याने आपले दोन्ही सामने जिंकले. अफगाणिस्तानने श्रीलंकेचा आठ गडी राखून तर बांगलादेशचा सात गडी राखून पराभव करून अव्वल स्थान पटकावत सुपर फोरसाठी पात्रता मिळवली. श्रीलंकेच्या संघाने बांगलादेशचा दोन गडी राखून पराभव केला आणि दुसरे स्थान मिळवत सुपर फोरमध्ये प्रवेश केला. त्याचवेळी बांगलादेशला दोन्ही सामने गमावल्यामुळे स्पर्धेतून बाहेर पडावे लागले.

सुपर-४ वेळापत्रक (सर्व सामने IST संध्याकाळी 7.30 पासून)

३ सप्टेंबर: अफगाणिस्तान विरुद्ध श्रीलंका, शारजा
४ सप्टेंबर : भारत विरुद्ध पाकिस्तान, दुबई
६ सप्टेंबर: श्रीलंका विरुद्ध भारत, दुबई
७ सप्टेंबर: पाकिस्तान विरुद्ध अफगाणिस्तान, शारजा
८ सप्टेंबर : भारत विरुद्ध अफगाणिस्तान, दुबई
९ सप्टेंबर: श्रीलंका विरुद्ध पाकिस्तान, दुबई
११ सप्टेंबर: फायनल, दुबई

पहिली स्पर्धा १९८४ मध्ये

आशिया चषक १९८४ मध्ये सुरू झाला आणि सध्या त्याची १५ वी आवृत्ती खेळली जात आहे. टीम इंडिया या स्पर्धेतील सर्वात यशस्वी संघ आहे, ज्याने आतापर्यंत ७ वेळा या स्पर्धेचे विजेतेपद पटकावले आहे. याशिवाय श्रीलंकेने पाचवेळा आशिया चषक आणि पाकिस्तानने दोनदा विजेतेपद पटकावले आहे. श्रीलंकेचा संघ या स्पर्धेच्या सर्व १५ आवृत्त्यांमध्ये सहभागी झाला आहे. त्याचबरोबर या स्पर्धेत भारत, पाकिस्तान आणि बांगलादेशचे संघ १४-१४ वेळा सहभागी झाले आहेत. टीम इंडिया सध्या आशिया कपची चॅम्पियन आहे.

न्यूज अनकट प्रतिनिधी: ईश्वर वाघमारे