ICC T20I Batting Rankings, 14 जुलै 2022: टीम इंडियाचा स्टार मिडल ऑर्डर बॅट्समन सूर्यकुमार यादवने आश्चर्यचकित केले आहे. त्याने वर्षभरापूर्वी (मार्च 2021) आंतरराष्ट्रीय पदार्पण केले. आता तो T20 फॉरमॅटमध्ये जगातील नंबर-5 फलंदाज बनला आहे. या प्रकरणात त्याने विराट कोहली आणि रोहित शर्मालाही मगं टाकलं आहे.
वास्तविक, आंतरराष्ट्रीय क्रिकेट परिषदेने (ICC) बुधवारी T20 खेळाडूंची ताजी क्रमवारी जाहीर केली. यामध्ये सूर्यकुमार यादवने 44 स्थानांची झेप घेतली आहे. यासह तो टॉप-5 मध्ये पोहोचला आहे. सध्या सूर्याने 732 गुणांसह पाचवे स्थान पटकावले आहे.
सूर्याने इंग्लंडविरुद्ध शतक झळकावले
टॉप-10 मध्ये सूर्यकुमार एकमेव भारतीय
सूर्यकुमार यादवने नुकतेच इंग्लंडविरुद्धच्या टी-20 सामन्यात शतक झळकावले होते. तीन सामन्यांच्या मालिकेतील शेवटच्या सामन्यात त्याने 55 चेंडूत 117 धावांची खेळी केली, ज्यात त्याने 6 षटकार आणि 14 चौकार मारले. हा सामना 10 जुलै रोजी नॉटिंगहॅम येथे झाला.
ICC T20 फलंदाजी क्रमवारीत सूर्यकुमार हा एकमेव भारतीय आहे. त्याच्यानंतर भारतीयांमध्ये इशान किशनचा क्रमांक लागतो, जो 12 व्या क्रमांकावर आहे. टीम इंडियाचा कर्णधार रोहित शर्मा 18 व्या स्थानावर आहे. टॉप-20 मध्ये हे तीन भारतीय आहेत. तर श्रेयस अय्यर 21व्या तर भारताचा माजी कर्णधार विराट कोहली 25व्या क्रमांकावर आहे.
बाबर आझम प्रथम आणि रिजवान द्वितीय
एकूण टी-20 फलंदाजी क्रमवारीत पाकिस्तान संघाचा कर्णधार बाबर आझम अव्वल स्थानावर आहे. त्याचे 818 गुण आहेत. त्याच्यानंतर पाकिस्तानचा यष्टिरक्षक फलंदाज मोहम्मद रिझवान दुसऱ्या क्रमांकावर आहे, ज्याचे 794 गुण आहेत. वेस्ट इंडिजच्या निकोलस पूरनलाही पाच स्थानांचा फायदा झाला असून तो टॉप-10 मध्ये पोहोचला आहे. पूरन सध्या आठव्या क्रमांकावर आहे.
न्यूज अनकट प्रतिनिधी: ईश्वर वाघमारे
