‘तानाजी’ मध्ये शिवाजी महाराज्यांच्या भूमिकेत

स्वराज्य स्थापनेसाठी अनेक मावळ्यांनी आपले रक्त स्वराज्यासाठी सांडले. प्राणांची आहुती दिली. या मावळ्यांपैकी एक नाव म्हणजेच तानाजी मालुसरे. तानाजींच्या पराक्रमाची कथा ही चित्रपटाच्या रुपात लवकरच रुपेरी पडद्यावर पाहायला मिळणार आहे. ‘तानाजी : द अनसंग वॉरियर’ या चित्रपटामध्ये अजय देवगण याने ताणजीची भूमिका साकारली असून छत्रपती शिवाजी महाराजांची भूमिका मराठ मोळा अभिनेता शरद केळकर साकारणार असल्याचे स्पष्ट झाले आहे. या चित्रपटाचा फर्स्ट लूक प्रसिद्ध करण्यात आला आहे.
अभिनेता अजय देवगणनेच ट्विटवरुन एक ट्विट करत शिवाजी महाराजांचे पोस्टर शेअर केले आहे.

चित्रपटाचे दिग्दर्शक ओम राऊतने केलं आहे. या चित्रपटाच्या घोषणेपासूनच यातील कलाकारांविषयी उत्सुकता निर्माण झाली. तर या चित्रपटात सैफ अली खान हा राजपुत मोघल किल्लेदार उदयभान राठोड यांच्या भूमिकेत आहे. सैफच्या भूमिकेचाही फर्स्ट लूक प्रदर्शित करण्यात आला आहे. त्याआधी काही दिवसांपूर्वीच तानाजी यांच्या भूमिकेतील अजयचा लूक प्रदर्शित करण्यात आला होता. १५० कोटी रुपयांच्या बजेट असलेल्या या चित्रपटाच्या निमित्ताने सैफ आणि अजयही तब्बल १३ वर्षांनंतर रुपेरी पडद्यावर एकत्र दिसणार आहेत. हा चित्रपट १० जानेवारी २०२० रोजी प्रदर्शित होणार आहे.