मुंबई, 4 ऑक्टोंबर 2021: तारक मेहता का उल्टा चश्मा मधील नट्टू काकाच्या भूमिकेसाठी प्रसिद्ध असलेले घनश्याम नायक यांचं वयाच्या 77 व्या वर्षी निधन झालं. ते कर्करोगाशी झुंज देत होते. नट्टू काकांच्या निधनाच्या बातमीला शोचे निर्माते असित मोदी यांनी दुजोरा दिलाय. त्यांनी सोशल मीडियावर लिहिलं – “आपले प्रिय नट्टू काका आता आपल्यात राहिले नाहीत. देव त्यांच्या आत्म्याला शांती देवो. त्याच्या कुटुंबाला हे नुकसान सहन करण्याची शक्ती द्या. नट्टू काका आम्ही तुम्हाला विसरू शकत नाही. ”
गेल्या वर्षी डॉक्टरांनी 8 गाठी काढल्या
घनश्याम यांचा मुलगा विकासने सांगितलं होतं की सुमारे 3 महिन्यांपूर्वी त्यांच्या गळ्यात काही गाठी आढळून आल्या होत्या, त्यामुळं त्याच्यावर पुढील उपचार सुरू करण्याचा निर्णय घेण्यात आला. गेल्या वर्षी त्यांचं ऑपरेशन झालं. 8 गाठी बाहेर काढल्या. सतत उपचारानंतर त्यांच्या तब्येतीत बरीच सुधारणा झाली.
घनश्याम यांचं आयुष्य संघर्षानं भरलेलं
काही महिन्यांपूर्वी एका वृत्तपत्राला दिलेल्या मुलाखतीत नट्टू काकांनी सांगितलं होतं – एक काळ होता जेव्हा मी 24 तास काम करण्यासाठी फक्त 3 रुपये घेत असे. 10-15 वर्षांपूर्वी चित्रपट उद्योगाकडं तेवढे पैसे नव्हते, कधी कधी फीसुद्धा उपलब्ध नव्हती. त्यावेळी ते शेजाऱ्यांना घरभाडे आणि शाळेच्या फीसाठी पैसे उधार मागायचे. मला वाटते की ‘तारक मेहता …’ केल्यावर माझं आयुष्य स्थिर झालं आहे. मी पैसे कमवू लागलो. त्यानंतर मी मागं वळून पाहिलं नाही. आज माझी मुंबईत दोन घरं आहेत.
नट्टू काकांनी चित्रपटांमध्येही केलं होतं काम
घनश्याम यांनी केवळ टीव्हीमध्येच नव्हे तर अनेक चित्रपटांमध्येही काम केलं होतं. 1960 मध्ये अशोक कुमार यांच्या ‘मासूम’ या चित्रपटात ते पहिल्यांदा बालकलाकार म्हणून दिसले. यानंतर, त्यांनी बेटा, तिरंगा, आँखे, लाडला, क्रांतिवीर, आंदोलन, बरसात, माफिया, चाहत, इश्क, चायना गेट, तेरे नाम, हम दिल दे चुके सनम आणि खाकी यासह अनेक चित्रपटांमध्ये काम केलं.
न्यूज अनकट प्रतिनिधी: ईश्वर वाघमारे
