तारकिशोर प्रसाद बनणार बिहारचे उपमुख्यमंत्री

पाटणा, १६ नोव्हेंबर २०२०: बिहार विधानसभेच्या १७ व्या निवडणुका पूर्ण झाल्यानंतर नितीशकुमार आज सातव्यांदा मुख्यमंत्रीपदाची शपथ घेतील. सायंकाळी साडेचार वाजता राजभवनातील राजेंद्र मंडप येथे शपथविधी पार पडणार आहे. नितीशकुमार यांच्यासह नवीन मंत्रिमंडळातील अनेक मंत्र्यांची शपथ घेतली जाईल. आज आठ ते दहा मंत्री शपथ घेऊ शकतात. उपमुख्यमंत्रीपदी असं मानलं जात होतं की, भाजप नेते आणि माजी उपमुख्यमंत्री सुशील कुमार मोदी पुन्हा शपथ घेतील. परंतु आश्चर्य म्हणजे भाजपाचे ज्येष्ठ नेते तारकिशोर प्रसाद हे विधिमंडळ पक्षाचे नेते म्हणून निवडले गेले. उपनेता रेणू देवी यांची निवड झाली आहे. यावेळी भाजपच्या कोट्यातून दोन उपमुख्यमंत्री बनण्याची चर्चा आहे.

रविवारी, १५ नोव्हेंबरला नितीशकुमार यांना मुख्यमंत्र्यांच्या सभागृहात एनडीए (राष्ट्रीय लोकशाही आघाडी) विधिमंडळ पक्षाच्या बैठकीचे नेते म्हणून निवडले गेले. यानंतर त्यांनी राज्यपाल फागु चौहान यांची भेट घेतली आणि सरकार स्थापनेचा दावा केला. राज्यपालांच्या सरकार स्थापनेच्या निमंत्रणानंतर आज, १६ नोव्हेंबर रोजी शपथविधी सोहळा पार पडणार आहे.

आजही बिहारच्या राजकारणाचा एक महत्वाचा दिवस आहे. नवीन सरकारच्या शपथविधी सोहळ्यादरम्यान, महागठबंधनानं अद्याप सरकार स्थापनेची आशा सोडली नाही. दुसरीकडं, उपमुख्यमंत्री पदासाठी अनेक दावेदार आहेत.

न्यूज अनकट प्रतिनिधी: ईश्वर वाघमारे