टीम इंडियाचा वेस्ट इंडिजवर मोठा विजय, मालिकेत ३-१ अशी अजेय आघाडी

IND Vs WI T20 Match, ७ ऑगस्ट २०२२: भारताने चौथ्या T20 सामन्यात वेस्ट इंडिजचा ५९ धावांनी पराभव करत पाच सामन्यांची मालिका ३-१ अशी जिंकली, फक्त एक सामना बाकी आहे. या सामन्यात प्रथम फलंदाजी करताना टीम इंडियाने १९१ धावा केल्या होत्या, प्रत्युत्तरात वेस्ट इंडिजचा डाव गडगडला आणि अवघ्या १३२ धावांवर सर्वबाद झाला.

मालिकेतील हा चौथा सामना अमेरिकेतील फ्लोरिडा येथे खेळला गेला. पावसामुळे सामना सुरू होण्यास थोडा उशीर झाला, पण येथे वेस्ट इंडिजने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना भारताने १९१ धावा केल्या, प्रत्युत्तरात वेस्ट इंडिजला १३२ धावा करता आल्या.

वेस्ट इंडिजकडून रोव्हमन पॉवेल आणि निकोलस पूरन यांनी २४-२४ धावा केल्या, तर उर्वरित फलंदाजी अपयशी ठरली. भारताकडून अर्शदीप सिंगने तीन, आवेश खान-अक्षर पटेल-रवी बिश्नोईने २-२ बळी घेतले.

वेस्ट इंडीज डाव – (१३२/१०, १९.१ षटके)

पहिली विकेट – ब्रँडन किंग (१३ धावा) १.४ षटके, १८/१
दुसरी विकेट – डेव्हॉन थॉमस (१ धाव) ३.१ ओव्हर्स, २२/२
तिसरी विकेट – निकोलस पूरन (२४ धावा) ४.६ षटके, ४९/३
चौथी विकेट – काइल मेयर्स (१४ धावा) ६.६ षटके, ६४/४
पाचवी विकेट – रोव्हमन पॉवेल (२४ धावा) ८.५ षटके, ८५/५
६वी विकेट – जेसन होल्डर (१३ धावा) ११.२ षटके, १०१/६
सातवी विकेट – अकील हुसेन (३ धावा) १४.१ षटके, १०६/७
आठवी विकेट- शिमरॉन हेटमायर (१९ धावा) १४.६ षटके, ११६/८
नववी विकेट – डॉमिनिक ड्रेक्स (५ धावा) १७.२ षटके, १२८/९
१०वी विकेट – ओबेद मॅककॉय (२ धावा) १९.१ ओव्हर्स, १३२/१०

या सामन्यात प्रथम फलंदाजी करताना भारताने १९१ धावा केल्या होत्या. ऋषभ पंतने टीम इंडियासाठी ४४ धावांची इनिंग खेळली, त्याने आपल्या इनिंगमध्ये ७ चौकार मारले. त्यांच्याशिवाय संजू सॅमसननेही अखेरीस ३० धावांची जलद खेळी केली.

या सामन्यात कर्णधार रोहित शर्मा आणि सूर्यकुमार यादव यांनी भारताला वेगवान सुरुवात करून दिली. रोहित शर्माने अवघ्या १६ चेंडूत ३३ धावा केल्या. तर सूर्यकुमार यादवने १४ चेंडूत २४ धावा केल्या.

भारताचा डाव – १९१/५ (२० षटके)

पहिली विकेट – रोहित शर्मा ३३ धावा (४.४ षटके), ५३/१
दुसरी विकेट – सूर्यकुमार यादव २४ धावा (५.३ षटके), ६१/२
तिसरी विकेट – दीपक हुडा २१ धावा (११.२ षटके), १०६/३
चौथी विकेट- ऋषभ पंत ४४ धावा (१४.६ षटके), १४६/४
पाचवी विकेट – दिनेश कार्तिक ६ धावा (१८.१ षटके), १६४/५

या सामन्यात भारताने एकूण तीन बदल केले असून रवी बिश्नोई, अक्षर पटेल आणि संजू सॅमसन यांनी प्लेइंग-११ मध्ये प्रवेश केला आहे. हार्दिक पांड्या, रविचंद्रन अश्विन आणि श्रेयस अय्यर यांना विश्रांती देण्यात आली आहे.

न्यूज अनकट प्रतिनिधी: ईश्वर वाघमारे