चक्क हत्तीने मारला पाणीपुरीवर ताव

पुणे, १४ ऑक्टोंबर २०२२: सोशल मीडियावर एकशे एक भन्नाट व्हिडीओ पाहिला मिळतात. त्यात जर खाण्याच्या बाबतीत व्हिडिओ असतील तर ते प्रचंड पसंतीस पडतात. त्यात चाट हा प्रकार तर सर्वांचाच आवडीचा असतो आणि त्यात पाणीपुरी म्हटले की आपल्याही तोंडाला पाणी सुटल्याशिवाय राहणार नाही.

सोशल मीडियावर सध्या व्हायरल होत असलेल्या व्हिडीओमध्ये चक्क एक हत्ती पाणीपुरीवर ताव मारताना दिसतो आहे. पाणीपुरीवाले भाऊ पाणीपुरी हत्तीच्या सोंडेत ठेवतात आणि नंतर हा हत्ती पटकन पाणीपुरी गट्टप करतो आहे. पाणीपुरी खाताना हत्तीला कसलं ही भान उरलेलं नाही. त्याची ही शैली फारच मजेदार आहे. या हत्तीला पाणीपुरी इतकी आवडली की तो इथून हलायचे नावच घेत नाही आहे.

दरम्यान, सोशल मीडियावर व्हायरल होत असलेला हा व्हिडिओ आसाममधील तेजपूरचा आहे. हा व्हिडीओ बघताना लोकांना प्रश्न पडतोय, अगदी माणसासारखं हा हत्ती पाणीपुरी कसा खाऊ शकतो? एका युजरने लिहिले, ‘सुखी पुरी भी देना उसको,’ तर दुसऱ्याने कमेंट केली, ‘माणसांनीच सगळी मजा का करावी…’ मला पाणीपुरीचा आस्वाद घेऊ द्या. असे म्हटले आहे.

न्यूज अनकट प्रतिनिधी : प्रज्ञा फाटक.