आज पासून भारत आणि ऑस्ट्रेलिया यांच्यात रंगणार वर्ल्ड टेस्ट चॅम्पियनशिपचा फायनल सामना

पुणे, ७ जून २०२३: भारत आणि ऑस्ट्रेलिया यांच्यातील वर्ल्ड टेस्ट चॅम्पियनशिपची फायनल आजपासून सुरू होणार आहे. लंडनमधील ओव्हल मैदानावर हा सामना होणार आहे. या सामन्यादरम्यान हवामानाचा पॅटर्न काय असेल हे माहीत नाही, पण चांगली गोष्ट म्हणजे पहिल्या दिवशी हवामान पूर्णपणे स्वच्छ असेल. म्हणजेच कसोटीतील राजसत्तेच्या लढाईची सुरुवात प्रेक्षणीय असणार आहे.

टीम इंडियाची ही सलग दुसरी वर्ल्ड टेस्ट चॅम्पियनशिपची फायनल असेल. त्याचबरोबर ऑस्ट्रेलियन संघ प्रथमच जागतिक कसोटी चॅम्पियनशिपच्या अंतिम फेरीत पोहोचला आहे. गेल्या वेळी डब्ल्यूटीसीच्या अंतिम फेरीत भारताला न्यूझीलंडकडून पराभव स्वीकारावा लागला होता. तो सामनाही इंग्लंडमधील साउदम्प्टन येथे खेळला गेला.

मात्र, यावेळी मैदान ओव्हलचे आहे, जेथे भारतासाठी आकडे जास्त नाहीत आणि ऑस्ट्रेलियापेक्षा चांगले नाहीत. ऑस्ट्रेलियासाठी हे मैदान निकालाच्या दृष्टीने इंग्लंडमधील सर्वात खराब मैदान आहे. ऑस्ट्रेलिया आतापर्यंत ओव्हलवर ३८ कसोटी खेळला आहे, ज्यामध्ये फक्त २ जिंकले आहेत. त्याचबरोबर भारताने आतापर्यंत ओव्हलवर खेळल्या गेलेल्या १४ पैकी ५ कसोटी जिंकल्या आहेत.

भारत नाणेफेकीच्या वेळी प्लेइंग इलेव्हनची घोषणा करेल
टीम इंडियाने वर्ल्ड टेस्ट चॅम्पियनशिपच्या फायनलसाठी प्लेइंग इलेव्हनची घोषणा केलेली नाही. भारतीय कर्णधार रोहित शर्माने सामन्यापूर्वी याबाबत निर्णय घेणार असल्याचे सांगितले म्हणजेच नाणेफेक दरम्यान भारत आपल्या प्लेइंग इलेव्हनवर शिक्कामोर्तब करेल. मात्र, सर्व १५ खेळाडूंना कर्णधाराने तयार राहण्यास सांगितले आहे.

‘न्यूज अनकट’ प्रतिनिधी : सूरज गायकवाड