भारतीयांना मायदेशी परतण्यासाठी दुबई गुरुद्वाराने पंजाबला पाठवले पहिले चार्टर्ड विमान

दुबई, दि. २६ जून २०२० : दुबईस्थित गुरुद्वाराने संयुक्त अरब अमिरातीमध्ये अडकलेल्या २०९ भारतीयांना परतण्यासाठी पंजाबमध्ये पहिले चार्टर्ड विमान पाठवले आहे. गल्फ न्यूजच्या वृत्तानुसार, गुरु नानक दरबार गुरुद्वारा यांनी हे विमान गुरुवारी दुबई ते अमृतसरला २०९ प्रवासी घेऊन निघाले आहे. कोविड -१९ ने घातलेल्या प्रवासी निर्बंधामुळे (युएई) अडकलेल्या भारतीयांना परतीसाठी सुविधा मिळावी यासाठी येत्या काही दिवसांत अमृतसरला अशी आणखी विमाने पाठविण्याची व्यवस्था करण्याच्या प्रक्रियेत असल्याचे गुरुद्वारा अधिकाऱ्यांनी निवेदनात म्हटले आहे.

दुसरे विमान २७ जून रोजी रवाना होणार आहे. आणखी दोन विमान तयारीत आहेत आणि अडकलेल्या देशवासीयांना सुरक्षितपणे लवकरात लवकर घरी पोहोचता यावे यासाठी आम्ही येत्या आठवड्यात आणखी सहा विमान पाठवण्यावर विचार करीत आहोत, असे निवेदनात म्हटले आहे. यात पुढे म्हटले आहे की, “प्रथम चार्टर्ड उड्डाण सुलभ केल्याबद्दल आम्ही दुबईतील भारतीय वाणिज्य दूतावास आणि युएईच्या भारतीय दूतावास यांचे आभारी आहोत.”

गुरुद्वाराचे प्रमुख सुरेंद्रसिंह कंधारी म्हणाले की, मार्चपासून गुरुद्वारा येथे दररोज सुमारे १५०० लोकांना भारतीय वाणिज्य दूतावास आणि स्वयंसेवकांच्या मदतीने भोजन वाटप केले जात आहे.

न्यूज अनकट प्रतिनिधी