कॅाफी विथ करनची नवा सीझन उघडणार गुपितांचा पेटारा

पुणे, ५ सप्टेंबर २०२२: कॉफी विथ करन चा सातवा सिझन सुरु होत आहे. यात मिसेस विक् कौसल म्हणजे अर्थात कतरीना कैफ, सिद्धांत चतुर्वेदी ईशान कट्टर यांनी हजेरी लावली. सध्या सोशल मीडियावर या दोघांची चांगलीच चलती आहे. त्यामुळे त्यांच्या प्रोफेशनल लाईफप्रमाणे त्यांच्या पर्सनल लाईफबद्दलही सगळीकडे चर्चा असते. मध्यंतरी ईशान कट्टर ने अनन्या पांडेला डेट केल्याचं बोलले गेले होते. त्यानंतर त्या दोघांच्या ब्रेकअपच्या चर्चांनाही उधाण आले होते.

ईशानप्रमाणे सिद्धांतच्या लव लाईफबद्दलही अनेक चर्चांना उधाण आले होते. पण सिद्धांतने कॉफी विथ करनमध्ये यावर भाष्य केलं. ईशान आणि कतरिना कैफसोबतच्या चित्रपटाच्या प्रमोशनसाठी तो करण जोहरच्या लोकप्रिय शोमध्ये आला होता. यावेळी त्यानं आपण सिंगल असल्याचं जाहीर केलं. पण त्याने त्याचबरोबर आणखी एक खुलासा केला. या भागात करण जोहरनं तिघांनाही म्हणजे ईशान, सिद्धांत आणि कतरिनाला त्यांच्या रिलेशनशिप स्टेटसबद्दल विचारले. तेव्हा सिद्धांतनं पाहिलं उत्तर दिलं, की तो स्वतः सिंगल आहे आणि माझ्यासोबत ईशान असतोच. त्यामुळे माझ्यासोबत राहून राहून तोही सिंगल राहिला आहे. या शोमध्ये ईशाननही आपण सिंगल असल्याची कबूली दिली.

कॉफी विथ करन हा सध्या अतिशय चर्चेत असलेला शो आहे. गमतीबरोबरच या भागात काही वेळा खऱ्या गोष्टी बाहेर येतात. या गोष्टी किती खऱ्या- किती खोट्या हे वास्तवात आल्यावरच समजतं. पण सध्या तरी कॉफि विथ करन या कार्यक्रमातून कळणारी गुपिते हेच सत्य मानावे लागेल, हे खरं.

न्यूज अनकट प्रतिनिधी- तृप्ती पारसनीस