कोव्हॅक्सिनच्या तिसऱ्या टप्प्यातील क्लिनिकल चाचण्यांचे निकाल जाहीर, ८१ टक्के प्रभावी

हैद्राबाद, ४ मार्च २०२१: भारत बायोटेकने बुधवारी स्वदेशी लस कोव्हॅक्सिनच्या तिसऱ्या टप्प्यातील क्लिनिकल चाचण्यांचे निकाल जाहीर केले आहे. कंपनीच्या म्हणण्यानुसार चाचणीचा निकाल ८१ टक्के प्रभावी असल्याचे सिद्ध झाले. कोरोना विषाणूविरूद्ध सुरू असलेल्या लसीकरण मोहिमेमध्ये ‘कोव्हॅक्सिन’ देखील वापरली जात आहे. पंतप्रधान नरेंद्र मोदी यांना नुकतीच या लसीचा पहिला डोस मिळाला.

हैदराबादची फार्मा कंपनी भारत बायोटेकने म्हटले आहे की, चाचणी डेटाचे निकाल २५,८०० सहभागींवर घेण्यात आलेल्या चाचण्यांवर आधारित आहेत. आयसीएमआरच्या भागीदारीत ट्रायल चालविले गेले. कंपनी म्हणते की कोव्हॅक्सिनचा दुसरा डोस दिल्यानंतर लोकांमध्ये कोविड -१९ थांबविण्यामध्ये ८१ टक्के चांगला परिणाम झाला. तथापि, क्लिनिकल चाचण्या सुरू राहतील.

भारत बायोटेकचे अध्यक्ष डॉ. कृष्णा एल्ला म्हणाले की, कोरोनाच्या जुन्या प्रकाराबरोबरच नवीन प्रकाराविरूद्ध ही लस प्रभावी आहे. कोव्हॅक्सिन २ ते ८ डिग्री सेल्सिअस तापमानात ठेवली जाऊ शकते. ती वापरण्यास तयार द्रव फॉर्म्युलेशनमध्ये पाठविली जाते. भारत बायोटेकने असेही सांगितले की जगभरात ४० हून अधिक देशांनी कोव्हॅक्सिनमध्ये रस दर्शविला आहे.

न्यूज अनकट प्रतिनिधी: ईश्वर वाघमारे