‘पठाण’चा टीझर शाहरुखच्या वाढदिवसाला येणार

मुंबई, २२ ऑक्टोबर २०२२ : ‘पठाण’ चित्रपटाचा टीझर २ नोव्हेंबर रोजी म्हणजेच शाहरुख खान च्या वाढदिवसा दिवशी प्रदर्शित होईल. यशराज प्रॉडक्शनच्या या अॅक्शन पॅक्ड चित्रपटाचा टीझर एक मिनिटाचा असेल. एक मिनिटाच्या टीझरमध्ये चित्रपटातील सर्वोत्कृष्ट अॅक्शन दृश्ये पाहायला मिळतील, असे सांगितले जात आहे.अॅक्शनशिवाय रोमांस आणि दमदार डायलॉगही टीझरमध्ये ऐकायला मिळतील.

शाहरुख खान गेल्या तीन वर्षांपासून रूपेरी पडद्यापासून दूर आहे. आता त्याचा ‘पठाण’ २५ जानेवारी २०२३ रोजी हिंदीसह तमिळ आणि तेलुगुतही प्रदर्शित होईल. ‘पठाण’ मध्ये शाहरुखसोबत दीपिका पदुकोण आणि जॉन अब्राहम हेही आहेत. निर्मात्यांनी काही दिवसांपूर्वी या तिघांचे फर्स्ट लूक पोस्टर रिलीज केले होते.

चित्रपटाच्या टीझर प्रदर्शनाची तारीख जाहीर करण्यात आली असली तरी निर्मात्यांकडून त्याची अधिकृत घोषणा अद्याप करण्यात आलेली नाही, मात्र लवकरच घोषणा करण्यात येईल असे टीम पठाण कडून सांगण्यात आले.

न्युज अनकट प्रतिनिधी : गुरूराज पोरे