मुंबई दि.१६ मे २०२० : स्पर्श गौरव सागरवेकर, वय वर्षे १२, गिरगावचा राहणारा, खेळणीसाठी साठवलेले ३२५७ रुपये स्पर्शने मुख्यमंत्री सहाय्यता निधीत जमा केले.हंस बाल योद्धा म्हणून कोरोना विषाणुविरुद्धच्या लढ्यात आपला सहभाग नोंदवला. बाल मनाला झालेला हा “मानवतेचा स्पर्श” मनाला खुप प्रोत्साहन देणारा, असल्याचे मत मुख्यमंत्री उद्धव ठाकरे यांनी व्यक्त केले.
वाढदिवसानिमित्ताने मिळालेल्या पैशातून स्पर्शने गरजूंना १०० किलो साखरेचे वाटप केल्याचेही त्याने कळवले आहे. अशी संस्कारक्षम मुले आणि त्यांना घडवणारे पालक यांचे कौतूक करावे तेवढे थोडेच आहे. या मदतीबद्दल मी सर्वांचा मनापासून आभारी आहे. या बालभावनेला मला मनापासून सलाम करावा वाटतो अशी प्रतिक्रिया मुख्यमंत्री उद्धव ठाकरे यांनी दिली आहे.
आतापर्यंत मुख्यमंत्री सहाय्यता निधीत ३३८.११ कोटी रुपयांची रक्कम जमा झाली आहे.
सढळ हाताने मदत करा
राज्यशासन आज अनेक पातळीवर कोरोना विषाणुविरुद्ध लढत आहे अशा परिस्थितीत मुख्यमंत्री सहाय्यता निधीत देणगीची रक्कम जमा करून शासनाला सहकार्य करणारे सर्व हात अनमोल आहेत. ज्यांना मुख्यमंत्री सहाय्यता निधीत रक्कम जमा करून या कामात सहभागी व्हायचे आहे, त्यांच्यासाठी मदत जमा करण्याबाबतची माहिती खालीलप्रमाणे आहे.
Chief Minister’s Relief Fund-COVID 19
Savings Bank Account number 39239591720
State Bank of India,
Mumbai Main Branch,
Fort Mumbai 400023
Branch Code 00300
IFSC CODE- SBIN0000300
मराठीत-
मुख्यमंत्री सहाय्यता निधी-कोविड १९
बँकेचे बचत खाते क्रमांक- ३९२३९५९१७२०
स्टेट बँक ऑफ इंडिया,
मुंबई मुख्य शाखा, फोर्ट, मुंबई ४०००२३
शाखा कोड ००३००
आयएफएससी कोड SBIN००००३००
सदर देणग्यांना आयकर अधिनियम १९६१ च्या ८० (G) नुसार आयकर कपातीतून १०० % सूट देण्यात येते. या खात्यात सढळ हाताने मदत करावी असे आवाहन मुख्यमंत्र्यांनी केले आहे.
न्युज अनकट प्रतिनिधी:
