प्रतीक्षा संपली, 4 मे रोजी येणार LIC चा IPO, 9 मे पर्यंत गुंतवणुकीची संधी

नवी दिल्ली, 26 एप्रिल 2022: देशातील सर्वात मोठ्या IPO लाँचची तारीख निश्चित करण्यात आली आहे. सूत्रांनी दिलेल्या माहितीनुसार, LIC चा IPO 4 मे रोजी लॉन्च होणार असून 9 मे पर्यंत गुंतवणूकदार या IPO मध्ये अर्ज करू शकतील.

या संदर्भात मंगळवारी एलआयसी बोर्डाची महत्त्वपूर्ण बैठक होणार असून, त्यात लॉन्चच्या तारखेवर शिक्कामोर्तब होणार असल्याची माहिती सूत्रांनी दिली आहे. बैठकीत त्याची अधिकृत घोषणा केली जाईल.

21000 कोटी रुपये उभारण्याची तयारी

याआधी सरकार देशातील सर्वात मोठ्या आयुर्विमा कंपनीतील 5% स्टेक विकणार होते, पण आता IPO द्वारे फक्त 3.5% स्टेक ऑफर केला जाईल. IPO साठी LIC चे मूल्यांकन 6 लाख कोटी रुपये करण्यात आले आहे. त्यानुसार आता या IPO चा आकार 21,000 कोटी रुपये असेल. बाजारातील मागणी चांगली असेल तर सरकार त्यात ५ टक्के वाढ करू शकते, असे एका अधिकाऱ्याचे म्हणणे आहे.

13 फेब्रुवारी रोजी सेबीकडे दाखल केलेल्या रेड हेरिंग प्रॉस्पेक्टस (DRHP) मसुद्यात सरकारने 31.62 कोटी शेअर्स ऑफर करण्याचा प्रस्ताव दिला होता, जे एकूण इक्विटी शेअर्सच्या सुमारे 5 टक्के होते.

निर्गुंतवणुकीचे उद्दिष्ट साध्य होईल का?
LIC ने SEBI कडे जमा केलेल्या DRHP मधील IPO साठी 5% पर्यंत स्टेक विकण्याची परवानगी घेतली होती. जो आता 3.5 टक्के करण्यात आला आहे. त्याच वेळी, IPO आणण्याची अंतिम तारीख 12 मे आहे. यानंतर पुन्हा सेबीची परवानगी घ्यावी लागेल. अशा स्थितीत त्याआधी आयपीओ लॉन्च करण्याचा सरकारचा प्रयत्न आहे.

जेव्हा LIC IPO बद्दल चर्चा सुरू झाली तेव्हा सरकारने त्याचे मूल्यांकन 17 लाख कोटी रुपये असल्याचा अंदाज वर्तवला होता. पण आता IPO ला टक्कर देण्यासाठी LIC चे मूल्यांकन 6 लाख कोटी रुपये झाले आहे.

रशिया-युक्रेन युद्धामुळे विलंब

सरकारी विमा कंपनीचा हा IPO सरकारचे निर्गुंतवणुकीचे उद्दिष्ट पूर्ण करण्यासाठी खूप महत्त्वाचा आहे हे लक्षात घेण्यासारखे आहे. LIC IPO लाँच होण्यास आधीच अनेक महिने उशीर झाला आहे. रशिया-युक्रेन युद्धासह अनेक कारणांमुळे गेल्या काही काळापासून बाजारात विक्रीचा जोर आहे. केंद्र सरकारने 2022-23 या आर्थिक वर्षात निर्गुंतवणुकीतून 65000 कोटी रुपये उभारण्याचे लक्ष्य ठेवले आहे.

न्यूज अनकट प्रतिनिधी: ईश्वर वाघमारे