आज अम्फान बंगाल-ओडिशाच्या किनाऱ्यावर देणार धडक

नवी दिल्ली, दि. २० मे २०२०: बंगालच्या उपसागरात वाढलेले चक्रीवादळ अम्फान आता सुपर चक्रीवादळामध्ये बदलले आहे. जे आता वेगाने पश्चिम बंगाल आणि ओडिशाच्या दिशेने वाटचाल करत आहे. हवामान खात्याने असा अंदाज वर्तवला आहे की, सुपर चक्रीवादळ भर तेजीवर पोहोचून विनाश होऊ शकतो. पश्चिम बंगालच्या दिघामध्ये मंगळवारी संध्याकाळपासूनच जोरदार वारे वाहू लागले आहेत. त्याचबरोबर पाऊसदेखील सुरू झाला आहे. बुधवारी या भागात अम्फानच्या वादळाचा अंदाज आहे.

चक्रीवादळाचा धोका लक्षात घेता केंद्रातील नरेंद्र मोदी सरकार राज्य सरकारांसह सक्रिय झाली आहे. गृहमंत्री अमित शहा यांनी आज पश्चिम बंगालच्या मुख्यमंत्री ममता बॅनर्जी यांच्याशी बोलून त्यांना केंद्राकडून सर्वतोपरी मदत देण्याचे अश्वासन दिले. त्याचबरोबर चक्रीवादळाचा परिणाम कोलकातामध्येही दिसू लागला असून तेथे पाऊस पडत आहे. बंगालमधील अम्फानमुळे बुधवारी दरड कोसळण्याची शक्यता आहे.

एनडीआरएफ डीजी म्हणतात – दोन आव्हानांना तोंड द्यावे लागत आहे

एनडीआरएफचे प्रमुख एस.एन. प्रधान यांनी मंगळवारी संध्याकाळी पत्रकार परिषदेत सांगितले की चक्रीवादळावर लक्ष ठेवण्यात येत आहे. एनडीआरएफच्या १५ संघांना ओडिशामध्ये मदतकार्यासाठी तैनात करण्यात आले आहे, तर १९ संघ पश्चिम बंगालमध्ये तैनात करण्यात आले आहेत, तर २ संघ स्टँडबायवर ठेवण्यात आले आहेत. याशिवाय एनडीआरएफने ६ बटालियन राखीव ठेवल्या आहेत. प्रत्येक बटालियनमध्ये ४-४ संघ असतात, म्हणजे एकूण २४ संघ उभे असतात. प्रधान म्हणाले की आम्ही अशा परिस्थितीत आहोत जेथे आपण कोरोना व्हायरस आणि चक्रीवादळ या दुहेरी आव्हानांचा सामना करीत आहोत.

सुपर चक्रीवादळ वेगाने वाढत आहे

हवामान खात्याच्या म्हणण्यानुसार हे चक्रीवादळ उत्तर व वायव्य दिशेने ताशी १७ किमी वेगाने वाढत आहे. त्याचा वेग आणखी वाढेल असा अंदाज आहे. चक्रीवादळ पश्चिम बंगालमधील दिघा आणि संध्याकाळपर्यंत बांगलादेशातील हाडियावर २० मे ला आदळेल.

न्यूज अनकट प्रतिनिधी