नवी दिल्ली, दि. १ जून २०२०: हेरगिरीच्या आरोपाखाली पाकिस्तानी उच्चायोगाच्या दोन अधिका-यांना अटक करण्यात आली आहे. भारताने दोघांनाही पर्सन-नॉन-ग्रेटा म्हणून घोषित केले आहे. दोघांनाही सोमवारपर्यंत भारत सोडण्यास सांगण्यात आले आहे. यासंदर्भात, पाकिस्तानच्या उप-राजदूतांनावर आक्षेप घेण्यात आला आहे, ज्यात पाकिस्तानच्या मुत्सद्दी मोहिमेतील कोणताही सदस्य भारतविरोधी कार्यात सामील होऊ नये आणि आपल्या पदाशी विसंगत वागू नये याची काळजी घेण्यास सांगण्यात आले आहे.
दिल्लीतील करोलबाग येथून पकडलेला अबीद हुसेन आणि ताहिर हुसेन हे हाय कमिशनच्या व्हिसा विभागात कार्यरत आहेत. परराष्ट्र मंत्रालयाचे म्हणणे आहे की दोघांनाही भारतीय कायदा अंमलबजावणी अधिकाऱ्यांनी पकडले. एजन्सी अनेक महिन्यांपासून या दोन अधिकाऱ्यांवर लक्ष ठेवून होत्या . असे सांगितले जात आहे की हे दोघे सैन्यातील जवानांना लक्ष्य करायचे ज्याची यादी आयएसआयने दिली होती.
त्याचबरोबर या कारवाईमुळे पाकिस्तानने भारतावरच आरोप लावला आहे की भारत काहीतरी कट कारस्थान करत आहे. पाकिस्तानने म्हंटले आहे की, ही कारवाई पूर्व नियोजित होती ज्यामध्ये पाकिस्तानला बदनाम केले जात आहे.
गीता कॉलनीच्या पत्त्यावरील आधार कार्ड
पाकिस्तानी उच्चायुक्तालयात काम करणाऱ्या आबिदकडे दिल्लीतील गीता कॉलनीचे नासिर गौतम नावाचे आधार कार्ड मिळाले आहे. आबिद आणि ताहिर लष्कराच्या जवानांना लक्ष्य करायचा आणि स्वतःला भारतीय म्हणत असे. तसेच आयएसआयने लक्ष्य ठेवण्यासाठी सर्व लोकांची यादी हि त्याला दिली होती.
न्यूज अनकट प्रतिनिधी
