“भूज द प्राइड ऑफ इंडिया” च्या नव्या पोस्टरचे अनावरण….

मुंबई, दि. १८ जुलै २०२०: बॉलिवूड अभिनेता अजय देवगण ‘भूज द प्राइड ऑफ इंडिया’ हा नवा चित्रपट घेऊन लवकरच प्रेक्षकांच्या भेटीला येत आहे. या चित्रपटाचा नवा पोस्टर रिलीज झाला असून,
१९७१ सालच्या भारत-पाकिस्तान युद्धावर हा चित्रपट आधारीत आहे. एका सत्य कथेवर हा चित्रपट आधारीत आहे. तर गुजरातच्या कच्छ जिल्ह्यातील माधापार गावातील ३०० महिलांची कथा या चित्रपटात दाखवण्यात आली असून, भारताला युद्धात विजय मिळवून देण्यासाठी या महिलांनी दिलेले योगदान कथेतून मांडण्यात आले आहे.

करोना विषाणूच्या वाढत्या संक्रमणामुळे हा चित्रपट सिनेमागृहांऐवजी डिझनी हॉटस्टावर या डिजिटल प्लॅटफॉर्मवर प्रदर्शित होणार आहे. या चित्रपटात अजय देवगणसोबत संजय दत्त आणि सोनाक्षी सिन्हा प्रमुख भूमिका साकारणार आहेत.

अजय देवगणने या चित्रपटात इंडियन एअर फोर्सच्या पायलटची भूमिका साकारली आहे. या चित्रपटामध्ये अजय स्क्वाड्रन लीडर विजय कार्णिक यांची भूमिका साकारणार आहे. हा चित्रपट येत्या १५ ऑगस्टला प्रदर्शित होणार होता. पण देशभरात सिनेमागृह बंद असल्यामुळे आता डिजिटल प्लॅटफॉर्मवर चित्रपट रिलीज करण्याचा निर्णय घेण्यात आला आहे. अशा शौर्यावर आणखी चित्रपट बनवले जाणे आवश्यक आहे असे अजय देवगणने व्हर्च्युल पत्रकार परिषदेत सांगितले होते.

न्यूज अनकट प्रतिनिधी