विक्रम वेधा’ चा धमाकेदार ट्रेलर रिलीज

मुंबई, ८ सप्टेंबर २०२२ : लेखक-दिग्दर्शक पुष्कर आणि गायत्री यांचा बहुप्रतिक्षीत चित्रपट ‘विक्रम वेधा’ चा धमाकेदार ट्रेलर आज रिलीज झाला आहे. ‘ तब्बल चार वर्षांनंतर हृतिक रोशन ‘विक्रम वेधा’ या चित्रपटातून चित्रपटाच्या पडद्यावर परतणार आहे.

नुकतंच युट्युबवर ‘विक्रम वेधा’ चित्रपटाचा ट्रेलर रिलीज करण्यात आला आहे. चित्रपटाच्या ट्रेलरची सुरुवात जबरदस्त संवादाने होत आहे. चित्रपटाच्या कथेत तुम्हाला सत्य आणि खोटे दोन्ही पाहायला मिळेल. हृतिक रोशन टेबलवर बसून सैफ अली खानला आपली गोष्ट कथन करताना, त्याला गोंधळात टाकताना दिसणार आहे.

अभिनेता हृतिक रोशन आणि सैफ अली खान यांच्या सीनपासून होते. हे दोघेही तुरुंगात बसलेले दिसून येत आहेत. यामध्ये सैफ पोलीस अधिकाऱ्याच्या भूमिकेत आहे तर समोर आरोपीच्या रुपात हृतिक बसला आहे. त्यांच्यातील संवाद फारच रंजक वाटत आहे. टीजर सुरु होताच हृतिक सैफला म्हणतो एक कथा ऐकवतो, यासाठी लक्ष आणि धीर दोन्ही हवे. यावेळी ही कथा तुम्हाला आश्चर्यचकित करेल. त्यानंतर टीजरची सुरुवात होते. यामध्ये जबरदस्त ऍक्शन थ्रिलर सीन पाहायला मिळत आहेत. सोबतच रावणाचं दहनसुद्धा यामध्ये दाखवण्यात आलं आहे.

विक्रम वेधा’ या ॲक्शन-थ्रिलर चित्रपटाचं लेखन आणि दिग्दर्शन पुष्कर-गायत्री यांनी केलं आहे. ‘विक्रम वेधा’चं कथानक नाट्यमय वळणांनी भरलेलं आहे. कडक शिस्तीचा पोलिस अधिकारी विक्रम (सैफ अली खान) गँगस्टर वेधाला (हृतिक रोशन) पकडतो. त्यानंतर खऱ्या अर्थाने चोर पोलिसांचा पाठ शिवणीचा खेळ सुरू होतो. वेधा आपली कथा सांगत असताना विविध पैलू उलगडत जातात आणि विक्रमला वास्तवतेचं दर्शन घडतं.

हृतिक रोशन आणि सैफ अली खान यांना त्यांच्या ट्रेलरमधील परफॉर्मन्ससाठी प्रचंड प्रतिसाद मिळत आहे. या चित्रपटात रोहित सराफ, योगिता बिहानी, शरीब हाश्मी आणि सत्यदीप मिश्रा हे कलाकारही महत्त्वपूर्ण भूमिकांमध्ये दिसणार आहेत

सिनेमा येत्या ३० सप्टेंबर २०२२ सिनेमागृहात प्रदर्शित होणार आहे. ट्रेलर रिलीज झाल्याने प्रेक्षक आता सिनेमाची आतुरतेनं वाट पाहत आहेत.

न्यूज अनकट प्रतिनिधी – अंकुश जाधव