कसे तपासाल तुमच्या आधारवरून किती सिम जारी करण्यात आले? जाणून घ्या संपूर्ण प्रक्रिया

पुणे, १४ सप्टेंबर २०२१ : काही काळापूर्वी दूरसंचार विभागाने (डीओटी) वेब पोर्टल सुरू केले होते. याद्वारे, वापरकर्ते त्यांच्या नावावर किती मोबाईल कनेक्शन दिले गेले आहेत हे तपासू शकतात. यासाठी तुम्ही TAFCOP पोर्टलचा वापर करू शकतात.

या पोर्टलवरून, हे पाहिले जाऊ शकते की आधार कार्डवर किती सिम देण्यात आले आहेत. दूरसंचार विभागाच्या मार्गदर्शक तत्त्वांनुसार, एका आधार कार्ड सोबत केवळ ९ कनेक्शन वापरले जाऊ शकतात.

पोर्टलच्या मदतीने, जर वापरकर्त्यांना असे वाटत असेल की त्यांच्या आधार कार्डमधून चुकीचा नंबर जारी करण्यात आला आहे, तर ते पोर्टलद्वारे ते बंद करण्याची विनंती देखील करू शकतात. येथे आम्ही तुम्हाला याची संपूर्ण पद्धत सांगत आहोत.

तुमच्या आधारवरून किती सिम जारी करण्यात आल्या आहेत? यासाठी तुम्हाला आधी TAFCOP च्या वेबसाईटवर जावे लागेल.

TAFCOP ची वेबसाईट तुम्ही या https://tafcop.dgtelecom.gov.in संकेतस्थळावरून ॲक्सेस करू शकता. वेबसाइट उघडल्यानंतर तुम्हाला येथे मोबाईल नंबर द्यावा लागेल आणि ओटीपीसाठी विनंती करावी लागेल.

तुम्हाला DoT कडून OTP मेसेज येईल. याद्वारे तुम्ही तुमचे साइन इन करू शकता. ते प्रमाणित झाल्यानंतर, पोर्टल तुम्हाला आधार कार्डशी जोडलेल्या सर्व मोबाईल नंबरची यादी दर्शवेल.

तुम्ही येथे वापरात नसलेला नंबर बंद करण्याची विनंती करू शकता. आपल्याला सांगू की ही सेवा सध्या फक्त तेलंगणा आणि आंध्र प्रदेशसाठी आहे. येत्या काळात, हे उर्वरित राज्यांसाठी देखील जारी केले जाईल.

न्यूज अनकट प्रतिनिधी : ईश्वर वाघमारे