बॅडमिंटन स्पर्धेत महाराष्ट्र व केंद्रीय संघ अजिंक्य

मुंबई: ६५ व्या राष्ट्रीय बॅडमिंटन स्पर्धेच्या सांघिक सामन्यांच्या फेरीत रविवार (दि.५) झालेल्या फायनलमध्ये महाराष्ट्राच्या मुलांच्या संघाने कर्नाटक संघावर २-१ ने मात करत बाजी मारली आहे.
यात सिंगल सामन्यांमध्ये महाराष्ट्राच्या रोहान थुल याने कर्नाटकच्या बी.एस. वैभव याच्यावर २१-७, २१-१९, २-१७ अशी मात केली आहे. तसेच तनिष्क सक्सेना याने संकेत सी.एस. याच्यावर २१-१९, २१-१ अशी मात केली. मात्र डबलच्या सामन्यात कर्नाटकच्या संघाने महाराष्ट्रावर २१-१४ , २२-२० अशी मात केली आहे. मुलींच्या सांघिक अंतिम सामन्यात केंद्रीय विद्यालयाच्या संघाने राजस्थानच्या संघावर ०-२ अशी मात करून बाजी मारली आहे.
यात सिंगल सामन्यांमध्ये मेहेरीन रिझा हिने अदिती काशनिया हिच्यावर २१-१७, २१-१४ अशी मात केली. डबलच्या सामान्यात केंद्रीय विद्यालयाने राजस्थानवर २१-१७ व २१-१४ अशी मात केली आहे.
या विजयानंतर जिल्हाधिकारी राहुल द्विवेदी यांनी महाराष्ट्राच्या विजयी संघाचे कौतुक केले. सांघिक सामने संपले असून आजपासून वैयक्तिक सामन्यांना सुरवात झाली आहे.