वाघोली येथे शिंदे- अग्रवाल खाणीत गणपती विसर्जनासाठी गेलेल्या तरुणाचा पाण्यात बुडून मृत्यू..!

वाघोली, दि. ०२ सप्टेंबर २०२०: वाघोली येथील शिंदे -अगरवाल खाणीच्या परिसरामध्ये गणपती विसर्जनासाठी गेलेल्या बाईप रोड येथील तरुणाचा पाण्यात बुडून मृत्यू झाल्याची घटना मंगळवारी घडली आहे. कृष्णा मारुती लोकरे वय १८ रा. वाघोली असे बुडून मृत्यू झालेल्या व्यक्तीचे नाव आहे.

याबाबत मिळालेल्या माहिती नुसार लोकरे त्यांच्यासोबत असलेल्या काही माणसांसोबत शिंदे अग्रवाल खाणीमध्ये गणपती विसर्जन करण्यासाठी गेला होता. तेथे त्याचा पाण्यात बुडून मृत्यू झाला. लोणीकंद पोलिसांनी स्थानिकांच्या मदतीने मृतदेह बाहेर काढला असून शवविछेदनासाठी ससून हॉस्पिटलला पाठविला आहे. गणपती विसर्जनसाठी गेलेल्या तरुणाचा मृत्यू झाल्याने परिसरात हळहळ व्यक्त करण्यात येत आहे.

न्यूज अनकट प्रतिनिधी: ज्ञानेश्वर शिंदे