बारामती वालचंदनगर रस्त्यावर सोनगाव येथे भीषण अपघात, बापलेकांचा जागीच मृत्यू

फलटण, सातारा २९ ऑगस्ट २०२३ : बारामती वालचंदनगर रस्त्यावर असणाऱ्या सोनगावात दुचाकी व टिपर यांच्यात झालेल्या भीषण अपघातात, आसू तालुका फलटण येथील बापलेकाचा जागीच मृत्यू झाला. याबाबतचा गुन्हा नोंद झाला असून बारामती ग्रामीण पोलीस स्टेशन तपास करत आहेत.

घटनास्थळ व बारामती ग्रामीण पोलीस स्टेशन कडून मिळालेली माहिती अशी सतीश रामभाऊ पवार वय ३७वर्ष व मुलगा आर्यन सतीश पवार वय १० वर्ष दोघे राहणार आसू तालुका फलटण जिल्हा सातारा. सोनगाव येथून बारामतीला जात असताना भरधाव वेगाने भारत बेंज कंपनीचा हयवा एम.एच.४२ ए. क्यू ८२५५ हा जगताप अँड कंपनीचा टिपर धडकल्याने दोघांचा जागीच मृत्यू झाला आहे.

सोनगाव तालुका बारामती हद्दीत गेल्या पंधरा दिवसाखाली अशाच एका टिपरने एका चिमुरड्याला चिरडले होते. ती घटना ताजी असतानाच आजही एका दहा वर्षाच्या मुलाला व त्याच्या वडिलांना जीव गमवावा लागला आहे, त्यामुळे बारामती भागातील ग्रामीण वाहतुकीबाबत प्रश्नचिन्ह उपस्थित आहे. या भागात अनेक वेळा टिप्परच्या माध्यमातून अनेकांना जीव गमावावा लागत आहे त्यामुळे संबंधित राजकीय व प्रशासकीय यंत्रणेने पोलीस स्टेशनच्या वर जरब बसवावी आणि वाहतुकीला आळा बसवावा व हकनाक जीव जात आहेत ते थांबवावे अशी मागणी सर्वसामान्य जनतेतून होत आहे.

न्यूज अनकट प्रतिनिधी : आनंद पवार