अमरनाथ यात्रेसाठी जम्मू-काश्मीर येथून पहिली तुकडी रवाना, एलजी सिन्हा यांनी दाखवला हिरवा झेंडा

जम्मू काश्मिर, ३० जून २०२३: अमरनाथ यात्रेतील यात्रेकरूंची पहिली तुकडी, पहलगाम आणि बालटाल येथे हिमालयातील ३८८० मीटर उंचीवर नैसर्गिकरित्या तयार झालेल्या हिमशिवलिंगाचे दर्शन घेण्यासाठी रवाना झाली. माहितीनुसार, लेफ्टनंट गव्हर्नर मनोज सिन्हा यांनी आज (शुक्रवारी) सकाळी जम्मूमध्ये पहिल्या तुकडीला हिरवा झेंडा दाखवला.

उधमपूर, १३७ बटालियन सीआरपीएफचे कमांडंट रमेश कुमार यांनी सांगितले की, यात्रा नुकतीच टिकरी येथील काली माता मंदिरात पोहोचली आहे. प्रवासी सुरक्षेचे काम सुरू आहे. सर्व प्रवासी आणि लोक उत्साहित आहेत. स्थानिक लोकांनीही अमरनाथ यात्रेचे स्वागत केलय.

जम्मू-काश्मीरचे लेफ्टनंट गव्हर्नर (एलजी) मनोज सिन्हा यांनी बेस कॅम्पपूर्वी अमरनाथ यात्रेच्या पहिल्या तुकडीला हिरवा झेंडा दाखवला. यावेळी त्यांनी बाबा अमरनाथ यांच्याकडे सर्व भाविकांच्या सुख-समृद्धीसाठी प्रार्थना केली. मिळालेल्या माहितीनुसार, प्रवाशांची ही पहिली तुकडी भगवान शिवाच्या ३८८० मीटर उंच गुहेत बाबा बर्फानीला भेट देणार आहे. ही तीर्थयात्रा ६२ दिवस चालणार असून ती काश्मीरपासून दोन मार्गांनी सुरू होणार आहे. प्रवाशांच्या सुरक्षेसाठी सीआरपीएफचे जवानही सर्वत्र तैनात आहेत.

न्यूज अनकट प्रतिनिधी : सूरज गायकवाड