पहिल्या वनडे सामन्यात भारताचा ऑस्ट्रेलियावर 5 गडी राखून विजय

मुंबई, १८ मार्च २०२३ : कसोटी मालिकेनंतर भारताने ऑस्ट्रेलियाविरुद्ध वनडे मालिकेत विजयाने सुरुवात केली आहे. वानखेडे स्टेडियमवर ज्या खेळपट्टीवर दोन्ही संघांच्या वेगवान गोलंदाजांनी धुमाकूळ घातला त्या खेळपट्टीवर मिचेल मार्शची स्फोटक खेळी, कठीण परिस्थितीत केएल राहुलची झुंजार खेळी हा मोठा फरक ठरला. ऑस्ट्रेलियाचा डाव अवघ्या १८८ धावांवर संपुष्टात आणल्यानंतरही टीम इंडियाला सहजासहजी यश मिळाले नाही पण राहुल आणि रवींद्र जडेजा यांच्या उत्कृष्ट भागीदारीमुळे टीम इंडियाने ५ विकेट्सने विजय मिळवला.

तीन वर्षांपूर्वी भारत आणि ऑस्ट्रेलिया यांच्यातील एकदिवसीय मालिका वानखेडे स्टेडियमवरच सुरू झाली आणि त्या सामन्यात ऑस्ट्रेलियाने भारताचा एकतर्फी पराभव केला. त्या सामन्यात भारतीय संघ ऑलआऊट झाला होता पण ऑस्ट्रेलियाने एकही विकेट न गमावता भारताचा पराभव केला होता. यावेळी दोन्ही बाजूंनी भरपूर विकेट पडल्या पण खेळ टीम इंडियाच्या हातात होता.

मोहम्मद शमी, मोहम्मद सिराज आणि हार्दिक पांड्या यांच्या जोरावर अवघ्या १८८ धावांत ऑलआऊट झालेल्या ऑस्ट्रेलियन संघाने भारतालाही धक्का दिला होता. विशेषतः डावखुरा वेगवान गोलंदाज मिचेल स्टार्कचा कहर दिसला. स्टार्कने आपल्या पहिल्याच स्पेलमध्ये विराट कोहली, सूर्यकुमार यादव आणि शुभमन गिलच्या रूपाने सर्वाधिक ३ विकेट घेतल्या.

कर्णधार हार्दिक पंड्याने काही चांगले शॉट्स खेळले आणि केएल राहुलने डाव सांभाळण्याचा प्रयत्न केला. दोघांनी ४४ धावांची भागीदारीही केली पण २०व्या षटकात मार्कस स्टॉइनिसने पंड्याला बाद करून भारताला पुन्हा बॅकफूटवर आणले. येथून राहुलला रवींद्र जडेजाची साथ मिळाली. अतिशय सावधपणे खेळत दोन्ही फलंदाजांनी हळूहळू संघाला विजयाच्या जवळ आणले. यादरम्यान राहुलने १३वे अर्धशतक पूर्ण केले. ४९व्या षटकात जडेजाने २ चौकार मारत संघाला विजय मिळवून दिला. राहुल आणि जडेजा यांच्यात १०८ धावांची भागीदारी झाली.

‘न्यूज अनकट’ प्रतिनिधी : सूरज गायकवाड