रायपुर, ८ सप्टेंबर २०२१: छत्तीसगडचे मुख्यमंत्री भूपेश बघेल यांचे वडील नंदकुमार बघेल यांना पोलिसांनी आग्रा येथून अटक केली आहे. त्यांना मंगळवारी रायपूर जिल्हा न्यायालयात हजर करण्यात आले आहे. न्यायालयाने त्यांना १४ दिवसांची न्यायालयीन कोठडी सुनावली. नंदकुमार बघेल यांनी जामीन घेण्यास आणि वकील ठेवण्यास नकार दिल्याचे सांगितले जात आहे. ब्राह्मणांबद्दल वादग्रस्त वक्तव्य केल्याचा त्यांच्यावर आरोप आहे.
रायपूरच्या डीडी नगर पोलीस स्टेशनमध्ये एफआयआर
मुख्यमंत्री भूपेश बघेल यांचे वडील नंदकुमार बघेल यांच्याविरोधात रायपूरच्या डीडी नगर पोलीस ठाण्यात गुन्हा दाखल करण्यात आला आहे. सर्व ब्राह्मण समाजाच्या तक्रारीवरून हा गुन्हा दाखल करण्यात आला. नंद कुमार यांच्यावर सामाजिक द्वेष निर्माण करण्याचा आरोप आहे. त्यांच्यावर IPC च्या कलम ५०५ अंतर्गत समुदायांमध्ये तणाव निर्माण करणे आणि कलम १५३A मध्ये सामाजिक तणाव, द्वेष किंवा वैर निर्माण करण्याचा आरोप आहे.
रायगडमध्येही ब्राह्मण समाजाने कारवाई साठी केली निदर्शने
सुमारे ३ दिवसांपूर्वी नंदकुमार बघेल यांच्या वक्तव्याचा राग येऊन ब्राह्मण समाजाने रायगडमध्ये त्यांचा पुतळा जाळला. एफआयआर नोंदवण्याच्या मागणीने सिटी कोतवालीला घेरले. काही तासांच्या गोंधळानंतर पोलिसांनी समाजातील लोकांकडून तक्रार घेऊन कारवाईचे आश्वासन दिले होते. मात्र, तेव्हा गुन्हा दाखल झाला नव्हता.
काय म्हणाले नंदकुमार बघेल?
गेल्या महिन्यात लखनौमध्ये आयोजित एका कार्यक्रमादरम्यान नंदकुमार बघेल यांनी माध्यमांशी केलेल्या संभाषणात म्हटले होते, आता मतदान आमचे आणि सत्ता तुमची हे चालणार नाही. आम्ही हे आंदोलन करू. ब्राह्मणांना गंगेतून वोल्गा (रशियामधील एक नदी) येथे पाठवू, कारण ते परदेशी आहेत. ज्या पद्धतीने ब्रिटिश आले आणि गेले. त्याच प्रकारे, हे ब्राह्मण एकतर सुधारले पाहिजेत किंवा गंगेतून व्होल्गाकडे जाण्यासाठी तयार असावेत.
न्यूज अनकट प्रतिनिधी: ईश्वर वाघमारे
