चीनचे नवे संशोधन, तोंडावाटे घेण्यात येणारी लस केली तयार

शांघाय, २७ ऑक्टोबर २०२२ : शांघायने नुकतीच कोरोनावर मात करणारी तोंडावाटे घेण्यात येणारी लस तयार केली आहे. चीनची कंपनी कॅन्सिनो बायोलॉजिक्स कंपनीने ही लस तयार केली आहे.या आधीचे सर्व डोस हे इंजेक्शनद्वारे देण्यात येत होते. त्यानंतर आता शांघायने ही लस बूस्टर डोस म्हणून सुरु केली आहे. निडल फ्री अर्थात सुईविना देण्यात येणारी ही पहिलीच लस आहे. ही जगातली पहिली तोंडावाटे देण्यात येणारी लस आहे. ही लस श्वसन प्रक्रियेच्या वाटेत येणारे विषाणू थांबवते, असे तज्ञांचे मत आहे.

सध्या शांघायमध्ये कोरोनाचे सावट पसरले आहे. त्यामुळे त्यासाठी या लशीचे संशोधन करण्यात आले असून त्यानुसार ही लस शांघायमध्ये वाटण्यात आली. ही लस दूध, पाणी यांप्रमाणे ही घेता येऊ शकते. गरीबांसाठी ही लस देण्यात येणार आहे. त्यामुळे त्याचा प्रसार जास्त प्रमाणात होईल असा विश्वास चीन सरकारने व्यक्त केला आहे.

नुकताच या संदर्भातला एक व्हिडिओ चीन सरकराने त्यांच्या सोशल मिडीयावर प्रसारित केला. तसेच एका व्यक्तीने ही लस घेतल्यानंतर सांगितले की, ही लस पाण्याप्रमाणे पिऊ शकता येते. ही लस चवीने गोड असून या चवीने आता लोकांना ही लस घेणं जास्त सोयीस्कर होणार असल्याचं चीन सरकारने जाहीर केलं आहे.

त्यामुळे हा डोस सध्याच्या कोरोनाच्या लाटेवर नक्कीय यशस्वी ठरणार आहे. याचा प्रसार जास्तीत जास्त व्हावा, हा चीन सरकारचा उद्देश आहे.

न्यूज अनकट प्रतिनिधी- तृप्ती पारसनीस