सासवड येथे वीर गोगादेव जन्मोत्सव संपन्न

पुरंदर, दि.१९ ऑगस्ट २०२०: सासवड येथील वाल्मिकी समाजाचा जाहरवीर गोगादेव जन्मोत्सव सोहळा येथील गोगादेव नगरात संपन्न झाला. कोरोनाच्या पार्श्वभूमीवर निशाण आखाड्याची मिरवणूक न काढता हा सोहळा पार पडला.

मोजक्याच गोगा भाविकांच्या उपस्थितीत सोशल डिस्टन्सचे पालन करत हा सोहळा पार पडला. उत्सव मूर्तींची महाआरती , निशाणाची पाच पावली, महाप्रसाद आदी कार्यक्रम यावेळी संपन्न झाले. भवानी पेठ निशाण आखाड्याचे वस्ताद रोमिनजी , स्थानिक भगत सुमित राठोड यांसह अन्य भाविकांनी धार्मिक विधी पार पाडले .यावेळी पुरंदरचे आमदार संजय जगताप नगराध्यक्ष मार्तंड भोंडे , नगरसेवक विजय वढणे, प्रवीण भोंडे आदींनी या उत्सवाला हजेरी लावली .

जन्मोत्सव समितीचे अध्यक्ष मोहन चव्हाण , सुनील राठोड ,कैलास चव्हाण ,विकास राठोड . शाम राठोड ,दिपक चव्हाण आदींनी सोहळ्याचे उत्तम संयोजन केले .

समितीचे अध्यक्ष मोहन चव्हाण यांनी आमदार संजय जगताप नगराध्यक्ष मार्तंड भोंडे , नगरसेवक वढणे,भोंडे ,सेवानिवृत्त हैपाणीपुरवठा अधिकारी माऊली गिरमे ,सेवानिवृत्त पोलीस अधिकारी दादा भुजबळ ,बँक ऑफ इंडियाचे हेमंत ताकवले आदींचा सत्कार केला.

न्यूज अनकट प्रतिनिधी राहुल शिंदे.