प्रतीक्षा संपली; दहावीचा निकाल उद्या जाहीर होणार

पुणे, २८ जुलै २०२० : महाराष्ट्र राज्य बोर्डाचा दहावीचा निकाल उद्या जाहीर केला जाणार आहे. उद्या बोर्डाच्या वेबसाईटवर दुपारी १ वाजता निकाल विद्यार्थ्यांना पाहता येणार आहे. गेल्या अनेक दिवसांपासूनची विद्यार्थ्यांची आणि पालकांची आता प्रतीक्षा संपली आहे.

दहावीच्या परीक्षेसाठी राज्यभरातून १७ लाख ६५ हजार ८९८ विद्यार्थ्यांनी नोंदणी केली होती. यापैकी ९ लाख ७५ हजार ८९४ विद्यार्थी तर ७ लाख ८९ हजार ८९४ विद्यार्थीनी होत्या. राज्यातील एकूण २२ हजार ५८६ माध्यमिक शाळांमधून या विद्यार्थ्यांची नोंदणी झाली होती. तर ४९७९ परीक्षा केंद्रांवर दहावीची परीक्षा घेण्यात आली होती.

विद्यार्थ्यांना खालील वेबसाइटवर दहावीचा निकाल पाहता येईल.

▪️www.mahresult.nic.in

▪️www.sscresult.mkcl.org

▪️www.maharashtraeducation.com

▪️www.mahasscboard.in

न्यूज अनकट प्रतिनिधी