आता 11 मार्च रोजी होणार 15 वी भारत-चीन कमांडर स्तरीय चर्चा

नवी दिल्ली, 9 मार्च 2022: 11 मार्च रोजी पूर्व लडाखमधून निर्माण झालेल्या तणावावर भारत आणि चीनमध्ये पुन्हा कमांडर स्तरावर चर्चा होणार आहे. दोन्ही देशांच्या परस्पर संमतीनंतर चर्चेची ही 15वी फेरी भारतातील चुशुल मोल्डो मीटिंग पॉईंट येथे होणार आहे. आतापर्यंत चर्चेच्या 14 फेऱ्या झाल्या आहेत, ज्यामध्ये पॅंगॉन्ग त्सोच्या उत्तरेकडील आणि दक्षिणेकडील टोकांव्यतिरिक्त, गलवान आणि गोगरा हॉट स्प्रिंग क्षेत्र देखील सोडवले गेले आहेत.

LAC वर दोन्ही देशांचे हजारो सैनिक तैनात

भारत आणि चीन यांच्यातील पूर्व लडाख सीमेवर पेंगॉन्ग लेक परिसरात झालेल्या हिंसक संघर्षानंतर वाद निर्माण झाला होता. तरीही, दोन्ही देशांचे सुमारे 50,000 ते 60,000 सैनिक या संवेदनशील क्षेत्रात LAC वर तैनात आहेत.

चीनचे 38 सैनिक नदीत वाहून गेले

ऑस्ट्रेलियातील वृत्तपत्र द क्लॅक्सनमध्ये प्रसिद्ध झालेल्या वृत्तात, चिनी सोशल मीडिया प्लॅटफॉर्म Weibo ने दावा केला आहे की भारत-चीन सैन्याच्या चकमकीत किमान 38 चीनी सैनिक नदीत बुडले होते, तर चीनने केवळ 4 सैनिकांचा मृत्यू झाल्याचं मान्य केलं होतं. त्याचवेळी या चकमकीत भारताचे 20 जवान शहीद झाले.

‘ भारत-चीनसाठी चांगली नाही संबंधांमध्ये कटुता ‘

चीनचे परराष्ट्र मंत्री वांग यी यांनी एक दिवस आधी वार्षिक पत्रकार परिषदेला संबोधित करताना एक निवेदन जारी केले. त्यात त्यांनी म्हटले आहे की, अलीकडच्या काळात चीन आणि भारत यांच्या द्विपक्षीय संबंधांमध्ये काही अडथळ्यांना सामोरे जावे लागले आहे, जे दोन्ही देशांच्या आणि तेथील लोकांच्या मूलभूत हितासाठी चांगले नाही.

‘अमेरिका आमच्यात नेहमीच तणाव निर्माण करतो’

चीनच्या परराष्ट्रमंत्र्यांनी सांगितले की, चीनला सीमाप्रश्नावरचे मतभेद समान पातळीवरील चर्चेद्वारे सोडवायचे आहेत. अमेरिकेकडे बोट दाखवत ते म्हणाले की, काही शक्तींनी नेहमीच चीन आणि भारत यांच्यात तणाव निर्माण करण्याचा प्रयत्न केला आहे.

न्यूज अनकट प्रतिनिधी: ईश्वर वाघमारे