Six New Judges Sworn in Allahabad High Court: अलाहाबाद उच्च न्यायालयात शुक्रवारी सहा न्यायिक अधिकाऱ्यांनी न्यायाधीश म्हणून शपथ घेतली. त्यांना मुख्य न्यायाधीश अरुण भंसाळी यांनी शपथ दिली. १६ एप्रिल रोजी केंद्र सरकारने जितेंद्र कुमार सिन्हा, अनिल कुमार, संदीप जैन, अवनीश सक्सेना, मदन पाल सिंह आणि हरवीर सिंह यांची न्यायाधीश म्हणून नियुक्ती अधिसूचित केली होती. या महिन्याच्या सुरुवातीला सर्वोच्च न्यायालयाच्या कॉलेजियमने एकूण आठ न्यायिक अधिकाऱ्यांची नावे शिफारस केली होती. मात्र, त्यापैकी दोन नावे केंद्र सरकारने अजून मंजूर केलेली नाहीत.
या सहा न्यायिक अधिकाऱ्यांच्या नियुक्तीनंतर अलाहाबाद उच्च न्यायालयातील न्यायाधीशांची संख्या आता ८७ वर पोहोचली आहे. सध्याच्या संख्येच्या तुलनेत न्यायालयात न्यायाधीशांची मंजूर पदसंख्या १६० आहे. याआधी या महिन्याच्या सुरुवातीस, न्यायमूर्ती यशवंत वर्मा, न्यायमूर्ती अरिंदम सिन्हा आणि न्यायमूर्ती चंद्रधारी सिंह यांनी अलाहाबाद उच्च न्यायालयात बदलीनंतर शपथ घेतली होती.
न्यूज अनकट प्रतिनिधी,राजश्री भोसले
